Ranbir Kapoor And Rishi kapoor: प्रसिद्ध कॉमेडियन कपिल शर्माचा 'द ग्रेट इंडियन कपिल शो' (The Great Indian Kapil Show) या कॉमेडी शोला सुरुवात झाली आहे. सुपरस्टार रणबीर कपूर (Ranbir Kapoor) द ग्रेट इंडियन कपिल शोच्या पहिल्या एपिसोडमध्ये आई नीतू कपूर (Neetu Singh) आणि बहीण रिद्धिमा कपूर यांच्यासोबत हजेरी लावली. द ग्रेट इंडियन कपिल शोमध्ये रिद्धिमा, नीतू कपूर आणि रणबीर यांनी ऋषी कपूर (Rishi kapoor) यांच्या आठवणींना उजाळा दिला. यावेळी रणबीरनं त्याच्या लहानपणीचा किस्सा सांगितला.
द ग्रेट इंडियन कपिल शोमध्ये रणबीर म्हणाला, मी एकदाच पप्पांचा खूप जोरात मार खाल्ला होता. एकादा आरके स्टुडिओमध्ये दिवाळीची पूजा होती. पप्पा खूप धार्मिक होते. मला वाटतं मी तेव्हा साधारण 8-9 वर्षांचा होतो.तेव्हा मी चुकून चप्पल घालून मंदिरात गेलो. मला तेव्हा पप्पांनी टपली मारली होती."
द ग्रेट इंडियन कपिल शोमध्ये कपिल शर्माने नीतू कपूर यांना विचारले की,'लग्नानंतर रणबीर कपूर बदलला आहे का?'या प्रश्नाचं उत्तर देताना नीतू कपूर म्हणाल्या, "लग्नानंतर रणबीर बदलला आहे, तो एक चांगला माणूस बनला आहे. तो नात्यांना पूर्वीपेक्षा जास्त महत्त्व देतो."
रणबीरची बहीण रिद्धिमा म्हणाली, "राहाच्या जन्मानंतर रणबीर अधिक प्रेमळ झाला आहे."
ऋषी कपूर यांचे 2020 मध्ये वयाच्या 67 व्या वर्षी निधन झाले. ऋषी कपूर यांनी अनेक हिट चित्रपटामध्ये काम केलं.
रणबीरने एप्रिल 2022 मध्ये आलिया भट्टशी लग्न केले आणि नोव्हेंबर 2022 मध्ये आलिया आणि रणबीर हे आई-बाबा झाले. आलियानं मुलीला जन्म दिला. आलिया आणि रणबीरनं त्यांच्या मुलीचं नाव 'राहा' असं ठेवलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
