Entertainment News Updates: साऊथ चित्रपटांची गोंडस अभिनेत्री रश्मिका मंदाना काही वेळातच राष्ट्रीय क्रश बनली. तिच्या अनेक हिट चित्रपटांमुळे तिने बॉलीवूडमध्येही स्वतःचे वेगळे स्थान निर्माण केले. ‘पुष्पा गर्ल’ म्हणून प्रसिद्ध असलेली रश्मिका मंदाना केवळ तिच्या अभिनयानेच लोकांची मने जिंकत नाही, तर ती तिच्या क्यूटनेसची जादूही चालवते. रश्मिकाची जबरदस्त फॅन फॉलोइंग आहे. ‘ॲनिमल’मध्ये मुख्य नायिकेची भूमिका केल्यानंतर ती उत्तर भारतातही खूप लोकप्रिय झाली आहे.
रश्मिका सोशल मीडियावर खूप सक्रिय आहे; मात्र गेल्या काही दिवसांपासून ती बेपत्ता होती. आता अभिनेत्रीने सोशल मीडिया पोस्टद्वारे याचे कारण स्पष्ट केले आहे. तिने सांगितले की तिचा अपघात झाला, त्यामुळे ती घरीच आहे. ही बातमी समोर आल्यानंतर अभिनेत्रीचे चाहते काळजीत पडले. रश्‍मिकाने सोशल मीडियावर स्वतःचा एक फोटो पोस्ट केला आहे आणि सांगितले आहे की, तिला गेल्या महिन्यात अपघात झाला होता, त्यामुळे ती डॉक्टरांच्या सल्ल्यानुसार घरीच राहते आहे.
पोस्टमध्ये ती म्हणाली, आयुष्य खूप नाजूक आणि छोटं आहे आणि अशा वेळी उद्या उजाडेल की नाही हे माहीत नाही, म्हणून रोज आनंद निवडा! रश्मिकाचे चाहते तिच्या तब्येतीबद्दल थोडे चिंतित आहेत. अनेक जण त्याच्या लवकरात लवकर बरे होण्याच्या शुभेच्छाही देत आहेत. रश्मिका अल्लू अर्जुनसोबत ‘पुष्पा : द रुल’ची तयारी करत आहे. हा चित्रपट सुकुमार यांनी दिग्दर्शित केला आहे, जो विकी कौशलच्या छावा चित्रपटासोबत ६ डिसेंबरला प्रदर्शित होणार आहे. ‘छावा’मध्ये रश्मिका संभाजी महाराजांच्या पत्नी येशुबाईंची भूमिका साकारणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
