सबस्क्राईब करा
Pushpa 2: The Rule: तेलुगू सुपरस्टार अल्लू अर्जुनच्या (Allu Arjun) 2021 साली प्रदर्शित झालेल्या पुष्पा या सिनेमा चांगलाच सुपरहिट ठरला. संपूर्ण भारतात चांगल्याच गाजलेल्या या सिनेमाचा सिक्वेल 'पुष्पा 2' (Pushpa 2: The Rule) लवकरच रिलीज होतोय आणि पुष्पा सोबत गाजलेली व्यक्तिरेखा श्रीवल्लीचा लूक सोशल मीडियावर रिव्हील करण्यात आला आणि काही वेळातच हा लूक सगळीकडे व्हायरल झालाय.
पुष्पा 2 या चित्रपटामध्ये श्रीवल्लीच्या भूमिकेत पुन्हा एकदा अभिनेत्री रश्मिका मंदाना (Rashmika Mandanna) दिसणार आहे आणि आज म्हणजे 5 एप्रिलला तिचा वाढदिवस आहे. यानिमित्ताने सिनेमाच्या टीमने सोशल मीडियावर रश्मिकाचा लूक रिव्हील करत तिला वाढदिवसाच्या शुभेच्छा दिल्या. रश्मिकाचा श्रीवल्ली लूक पाहून चाहते फिदा झाले. हिरव्या रंगाची साडी आणि दागिन्यांनी मढलेली श्रीवल्लीचा डोळा मटणाचा हा फोटो चांगलाच गाजतोय. "देशाची धडकन श्रीवल्ली म्हणजेच रश्मिका मंदाना" ला वाढदिवसाच्या हार्दिक शुभेच्छा" असं कॅप्शन त्यांनी या पोस्टरला दिलंय.
अनेकांनी या फोटोवर कमेंट करत श्रीवल्लीच्या लूकचं कौतुक केलं. "Flower nhi Double Fire Hai 💥💯" म्हणजे "फ्लॉवर नाही डबल फायर आहे" असं म्हणत नेटकऱ्यांनी तिच्या लूकच कौतुक केलं.
८ एप्रिल २०२४ ला बहुप्रतीक्षित 'पुष्पा 2' चा टीझर सोशल मीडियावर रिलीज होणार आहे. सिनेमाच्या घोषणेवेळी पुष्पा २ मध्ये काय दिसणार याची छोटीशी झलक शेअर करण्यात आली पण आता टीझरमुळे प्रेक्षक सिनेमा पाहायला आणखी उत्साही असतील हे नक्की. १५ ऑगस्ट २०२४ ला पुष्पा २ हा सिनेमा रिलीज होतोय.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
