Bigg Boss Ott Season 3 : अपमानजनक भाषेवरून रवी किशन यांचे शिवानीला खडेबोल ; शिवानी हमसून हमसून रडली

Ravi Kishan & Shivani Kumar : बिग बॉस ओटीटी सीजन ३ पहिल्या दिवसापासून चर्चेत आहे. स्पर्धकांची भांडण आणि विजेतेपदासाठी चढाओढ यामुळे हा शो चर्चेत आहे. पण या शोमधील स्पर्धक शिवानी कुमार कायमच तिच्या भाषेमुळे वादग्रस्त ठरलीय. सगळ्यांचा अपमान करणाऱ्या शिवानी रवी किशन यांनी खडेबोल सुनावले.

बिग बॉस ओटीटी सीजन ३च्या काल पार पडलेल्या वीकेंड का वारमध्ये खासदार आणि अभिनेते रवी किशन यांनी पाहुणे म्हणून हजेरी लावली. याचा प्रोमोही सोशल मीडियावर शेअर करण्यात आला. यावेळी अनिल यांनी शिवानीला "तू जी घरात भाषा वापरतेस त्याने तुझ्या गावातील संस्कृतीला, गावाला नैतिक स्तरावर आणि सामाजिक स्तरावर एका उंचीवर पोहोचवण्याचा प्रयत्न करत आहेस असं तुला वाटतं का?" असा प्रश्न विचारला. यावर शिवानीने होकार दिला. तेव्हाच रवी किशन यांनी शोमध्ये एंट्री घेतली. त्यांनी म्हंटलं कि,"कोणाचाही अपमान करण्यासाठी भाषेचा ढाल म्हणून वापर करण्यात येऊ शकत नाही. तुम्ही भाषेच्या नावाखाली कुणाचा अपमान किंवा छेडछाड करू शकत नाही." असं म्हंटलं. हे बोलणं ऐकून शिवानी रडायला लागली आणि तिने आईची शपथ घेत म्हंटलं कि, "ती घरीही अशीच भाषा वापरते." त्यावर रवी किशन यांनी "भाषा ही जोडण्याचं काम करते तोडण्याचं नाही" असं उत्तर दिल.

शिवानीनंतर अनिल यांनी वडापाव गर्ल चंद्रिका दीक्षितच्या वागण्यावरही टीका केली. ती घरात काहीही घडलं तरीही स्वतः पीडित असल्याचं ढोंग करते असं त्यांनी म्हंटल. यावेळी घरातून चंद्रिका एलिमिनेट झाली.

रवी किशन यांच्याकडून खडेबोल ऐकल्यानंतर शिवानी आता तरी तिचं घरातील वागणं सुधारेल का? हे पाहणं महत्त्वाचं ठरणार आहे. बिग बॉस ओटीटी सीजन ३मध्ये कोणता स्पर्धक विजयी होणार हे जाणून घेण्यासही प्रेक्षक उत्सुक आहेत. तेव्हा पाहायला विसरू नका बिग बॉस ओटीटी सीजन ३ फक्त जिओ सिनेमावर.