Bollywood Entertainment News : बॉलिवूडमधील एव्हरग्रीन अभिनेत्री रेखा यांचा आज 10 ऑक्टोबर 2024 ला सत्तरावा वाढदिवस आहे. आपल्या अदांनी आणि भन्नाट अभिनयाने संपूर्ण बॉलिवूडला घायाळ करणाऱ्या रेखा यांचं आयुष्य कायमच गुंतागुंतीचं आणि वादग्रस्त राहिलं. त्यांचं दुखी बालपण, विस्कटलेले वैयक्तिक आयुष्य, त्यांची प्रेमप्रकरण, मोडलेली लग्न यामुळे रेखा कायमच विवादित राहिल्या. यातीलच एक कायम चर्चेत राहिलेलं प्रकरण म्हणजे अमिताभ आणि रेखा यांचं प्रेमप्रकरण. आजही या विषयावर कुणीही स्पष्टपणे बोललं नसलं तरीही त्यावर चर्चा चवीने होते. पण तुम्हाला माहितीये का ? अमिताभ आणि रेखा यांच्या या कथित अफेअर पूर्वी रेखा आणि जया या खूप चांगल्या मैत्रिणी होत्या.
