गली बॉय आणि गहराइयां सारख्या चित्रपटांमधून प्रसिद्धीच्या झोतात आलेला अभिनेता सिद्धांत चतुर्वेदी याचा आणखी एक चित्रपट लवकरच प्रेक्षकांच्या भेटीला येतोय. सिद्धांतने आजवर आपल्या दमदार अभिनयाच्या जोरावर मोठा चाहतावर्ग कमवला आहे. दरम्यान सिद्धांत हा त्याच्या आगामी चित्रपटात नवीन काहीतरी म्हणजेच 'अ‍ॅक्शन' करताना पाहायला मिळणार आहे. एक्सल इंटरटेनमेंटच्या या आगामी चित्रपटाचे पोस्टर नुकतेच शेअर करण्यात आले आहेत. या पोस्टरमध्ये सिद्धांत हा त्याच्या अ‍ॅक्शन आवतारात दिसून येतोय. या पोस्टरमुळे चाहत्यांची उत्सुकता चांगलीच ताणली गेली आहे.