Salman Khan: बॉलिवूडमधील प्रसिद्ध अभिनेता सलमान खानच्या (Salman Khan) घराबाहेर आज पहाटे गोळीबार झाला. पहाटे 5 वाजेच्या सुमारास दोन व्यक्तींनी सलमानच्या घराबाहेर गोळीबार केला. मुंबई (Mumbai) पोलीस सध्या या घटनेचा तपास करत आहेत. अशातच आता या घटनेचं सीसीटीव्ही फुटेज समोर आलं आहे. या फुटेजमध्ये दोन बाईकस्वार दिसत आहेत.
सलमान खानच्या वांद्रेतील गॅलेक्सी अपार्टमेंटबाहेर पहाटे 5 वाजेच्या सुमारास दोन व्यक्तींनी अंदाधुंद गोळीबार केला. याचं सीसीटीव्ही फुटेज समोर आलं आहे. या फुटेजमध्ये दोन बाईकस्वार दिसत आहेत, आता मुंबई पोलीस या सर्व घटनेचा तपास करत आहेत.
गोळीबारानंतर मुख्यमंत्री एकनाथ शिंदे यांनी सलमान खानला फोन करुन धीर दिला.तुमच्या घराबाहेरील सुरक्षेत वाढ केली जाईल, असं मुख्यमंत्री एकनाथ शिंदेंनी सलमानला सांगितलं आहे. मुख्यमंत्री एकनाथ शिंदे यांनी मुंबई पोलीस आयुक्तांशी चर्चा करून सलमान खानची सुरक्षा वाढवण्याची सूचना दिली आहे.
फॉरेन्सिक टीमही घटनास्थळी हजर झाली आहे. तसेच सलमानच्या घराबाहेर सुरक्षा वाढवण्यात आली आहे.
सलमान खानच्या घराबाहेरील गोळीबार प्रकरणाबाबत सुप्रिया सुळे, संजय राऊत या नेत्यांनी प्रतिक्रिया दिल्या. "हे अत्यंत दुर्दैवी आहे कारण सलमान खान ज्या भागात राहतो तो भाग खूप प्रसिद्ध आहे हे गृह खात्याचे अपयश आहे.सलमानच्या कुटुंबावर दबाव आहे." , अशी प्रतिक्रिया सुप्रिया सुळेंनी दिली, तर संजय राऊत म्हणाले, "सलमान खानच्या घराबाहेर गोळीबार हा इशारा आहे की,या मुंबईत कधीही आणि कुठेही गोळ्या झाडल्या जाऊ शकतात."
ईदनिमित्त सलमाननं त्याच्या घराच्या बाल्कनीत येऊन चाहत्यांना शुभेच्छा दिल्या होत्या. सलमानची एक झलक पाहण्यासाठी चाहते गॅलेक्सी अपार्टमेंटच्या बाहेर गर्दी करतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
