Sankarshan Karhade : अभिनेता संकर्षण कऱ्हाडे त्याच्या अभिनयाबरोबरच त्याच्या लिखाणासाठीही प्रसिद्ध आहे. संकर्षण हा उत्तम लेखक आणि कवी आहे हे सगळ्यांनाच माहितीये. तो सध्या संकर्षण व्हाया स्पृहा नावाचा कवितांचा कार्यक्रमही करतो. त्याचा हा कार्यक्रम बराच चर्चेत असून नुकताच त्याच्या शाळेतील बाईंनी या कार्यक्रमाला हजेरी लावत त्याचं कौतुक केलं.
संकर्षणच्या शाळेतील मराठीच्या बाईंनी त्याच्या या कार्यक्रमाला हजेरी लावत त्याच कौतुक केलं. सोबतच त्याला काह पैसे बक्षीस म्हणूनही दिले. सोशल मीडियावर संकर्षणने ही पोस्ट शेअर करत याबद्दलचा आनंद व्यक्त केला. याबरोबरच त्याची मराठी भाषा शाळेत असताना खूप वाईट होती ती बाईंनी घेतलेल्या मेहनतीमुळेच सुधारली हे नमूद केलं.
"माझ्या शाळेच्या “मराठीच्या बाईंनी मला बक्षीस दिलं हो…”😭
माझ्या परभणीतल्या शाळेत मला मराठी शिकवायला ह्याच जपे बाई होत्या … नेहमि मला वर्गात ऊठवायच्या आणि
“कऱ्हाडे ; धडा वाच … कऱ्हाडे , अक्षर अतीशय घाण आहे…,
तुझं ऱ्हस्वं दीर्घ कधी सूधरणार …??? असं म्हणायच्या…
पोरांना शिकायचा कंटाळा आला (जो नेहमिच आलेला असायचा) कि, “कऱ्हाडे … गाणं म्हण” असं म्हणायच्या… आज त्याच माझ्या मराठीच्या बाई कवितांच्या कार्यक्रमाला अमेरिकेत आल्या आणि मला कवितांसांठी बक्षीस दिलं …😭😭😭 मला खूप भरून आलं…
प्रेक्षकांना भेटतांना तसा मी शांत ऊभा असतो पण , बाई भेटायला आल्या आणि मला खरंच भिती वाटली…
माझी आज शब्दांशी “जर मैत्री असेल” … तर ती बाईंनीच करून दिलीये…
हे नातं तेंव्हाचं आहे जेंव्हा शाळेतल्या बाईंना “बाईच” म्हणायचो..
समजा शाळेतले गुरूजी … भाजी मंडईत जरी दिसले तरी भिती वाटायची… आणि घाबरून चालत्या सायकल वरून ऊडी मारायचो…
अभ्यासात मी कधीच हूशार नव्हतो त्यामुळे तेंव्हा बक्षीस मिळवून घरी पळत जाउन आई बाबांना ते आनंदाने सांगण्याचं सुख कधी मिळालं नाही… पण आज सांगतो आई बाबांना , बायको आणि माझ्या छोट्या मुलांनाही कि ; “माझ्या बाईंनी मला बक्षीस दिलं” "
संकर्षणच्या या पोस्टचा सगळीकडे कौतुक होतंय. त्याच्या बाईंनी केलेलं कौतुक पाहून त्याच्या चाहत्यांनाही खूप आनंद झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.