सबस्क्राईब करा
Sarfira Trailer Out: बॉलिवूडमधील प्रसिद्ध अभिनेता अक्षय कुमारचे (Akshay Kumar) काही चित्रपट बॅक-टू-बॅक फ्लॉप ठरले. पण खिलाडी अक्षय हा हार न मानता आता पुन्हा एक नवा चित्रपट घेऊन प्रेक्षकांच्या भेटीला येणार आहे. अक्षयचा सरफिरा हा चित्रपट जुलै महिन्यात रिलीज होणार आहे. काही दिवसांपूर्वी अक्षयनं त्याच्या या चित्रपटाची घोषणा केली होती. त्यानंतर आता या चित्रपटाचा ट्रेलर रिलीज करण्यात आला आहे. या ट्रेलरनं अनेकांचे लक्ष वेधले आहे. सरफिरा या चित्रपटाच्या ट्रेलरमध्ये अक्षयनं या चित्रपटासाठी घेतलेली मेहनत दिसत आहे.
अक्षयनं सोशल मीडियावर पोस्ट शेअर करुन 'सरफिरा' या चित्रपटाच्या ट्रेलर रिलीज झाल्याची माहिती चाहत्यांना दिली आहे. त्यानं पोस्टमध्ये लिहिलं, "स्वप्नं ती नसतात जी तुम्ही झोपेत पाहतात, स्वप्न ती असतात जी तुम्हाला झोपू देत नाहीत, अशीच एक स्वप्न कथा आहे सरफिरा,सरफिरा चित्रपटाचा ट्रेलर रिलीज"
सरफिरा चित्रपटाच्या ट्रेलरच्या सुरुवातीला विसकटलेले केस आणि मळलेले कपडे अशा लूकमध्ये अक्षय दिसतो. "मेरा नाम वीर म्हात्रे है और मैं जरेंदेश्वर के पास एक गांव से हूं." हा अक्षय कुमारचा डायलॉग ट्रेलरमध्ये ऐकू येतो. त्यानंतर ट्रेलरमध्ये राधिका मदान दिसते. राधिकाला अक्षय म्हणतो, "आइडिया है.. बिझनेस आइडिया..." त्यानंतर अक्षय त्याच्या बिझनेस आयडियावर काम करण्यास सुरुवात करतो.
ट्रेलरमध्ये परेश रावल हे परेश गोस्वामी या भूमिकेत दिसत आहेत. ट्रेलरमध्ये पुढे दिसते की, खिशात एक रुपया असताना आकाशात उड्डाण करण्याचे सर्वसामान्य माणसाचे स्वप्न पूर्ण करण्यासाठी अक्षय धडपड करतो.
सरफिरा हा चित्रपट 12 जुलै 2024 रोजी प्रेक्षकांच्या भेटीला येणार आहे. हा चित्रपट'सोरारई पोटरु' या चित्रपटाचा हिंदी रिमेक आहे. प्रेक्षक अक्षयच्या या आगामी चित्रपटाची उत्सुकतेने वाट बघत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
