Shivani Sonar And Ambar Ganpule: आणि त्या क्षणी शिवानी लाजली.... शिवानी-अंबरच्या साखरपुड्याच्या व्हिडीओनं वेधलं लक्ष

Shivani Sonar And Ambar Ganpule: अभिनेत्री शिवानी सोनार (Shivani Sonar) आणि अभिनेता अंबर गणपुलेचा (Ambar Ganpule) साखरपुडा गुढीपाडव्याच्या शुभमुहूर्तावर पार पडला. त्यांच्या या सिक्रेट साखरपुड्याने सगळ्यांनाचा आश्चर्याचा धक्का बसला. सोशल मीडियावर त्यांच्या साखरपुड्याचे फोटोज चांगलेच चर्चेत आहेत. नुकताच शिवानीने त्यांच्या साखरपुड्याचा व्हिडीओ सोशल मीडियावर शेअर केला.

'And the adventure begins 💫' असं कॅप्शन या व्हिडिओला देण्यात आलंय . साखरपुड्याच्या विधीवेळेचा शिवानीचा लूक, एकमेकांना अंगठी घालतानाचे त्या दोघांचे रोमँटिक क्षण गोष्टींनी सगळ्यांचं सोशल मीडियावर लक्ष वेधून घेतलं. शिवानी आणि अंबरने केलेला डान्सही अनेकांना पसंत पडला. तर त्यांच्या मित्रांचं चिडवणं, डान्स करणंही सगळ्यांनी एन्जॉय केलं. अनेकांनी त्यांच्या व्हिडिओवर कमेंट करत त्यांचं अभिनंदन केलं.

पाहा व्हिडीओ:

साखरपुड्याच्या विधीसाठी शिवानीने भगव्या आणि हिरव्या रंगाचं कॉम्बिनेशन असलेली साडी नेसली होती. त्यावर टेम्पल ज्वेलरी, मिनिमम मेकअप असा लूक तिने केला होता तर अंबरने शिवानीच्या साडीला मॅचिंग असा क्रीम कुर्ता त्यावर गडद हिरव्या रंगाचं जॅकेट आणि पॅन्ट असा लूक त्याने केला होता.

शिवानी सध्या 'सिंधुताई माझी माई' या मालिकेतून प्रेक्षकांच्या भेटीस येतेय. या मालिकेत तिने साकारलेली सिंधुताई सपकाळ यांची व्यक्तिरेखा सगळ्यांनाच पसंत पडली आहे. तर अंबरने स्टार प्रवाहवरील 'रंग माझा वेगळा' या मालिकेत काम केलं होतं. अनेकांना त्याची या मालिकेतील भूमिका आवडली होती. त्यानंतर त्याने झी मराठीवरील 'लोकमान्य' या मालिकेतही काम केलं होतं. या मालिकेत त्याने साकारलेले समाजसुधारक आगरकर ही भूमिकाही अनेकांना आवडली.