Stree 2 Teaser : ओ स्त्री रक्षा करना ! श्रद्धा राजकुमारच्या बहुप्रतीक्षित स्त्री 2 चा टीझर अखेर प्रेक्षकांच्या भेटीस

Stree 2 : राजकुमार राव (RajKummar Rao) , श्रद्धा कपूर (Shraddha Kapoor), पंकज त्रिपाठी (Pankaj Tripathi) यांची मुख्य भूमिका असलेल्या 'स्त्री' (Stree) या सिनेमाने बॉक्स ऑफिस गाजवलं आणि सगळ्यांना प्रतीक्षा होती ती या सिनेमाच्या सिक्वेलची. अखेर प्रेक्षकांची ही प्रतीक्षा संपली असून स्त्री 2 (Stree 2) चा टीझर सोशल मीडियावर रिलीज करण्यात आला. सस्पेन्स आणि थ्रिलने पुरेपूर असलेल्या या टीझरची चर्चा सोशल मीडियावर सध्या रंगली आहे.

भन्नाट टीझर आणि श्रद्धाची चर्चा

काही वेळापूर्वीच सोशल मीडियावर रिलीज झालेल्या या टीझरने नेटकऱ्यांचं लक्ष वेहडून घेतलं असून श्रद्धा आणि राजकुमारच्या भन्नाट अभिनयाची चर्चा सगळीकडे रंगली आहे. या टीझरमध्ये पुन्हा एकदा चंदेरी गावचे रहिवासी आणि स्त्री यांच्यातील लढ्याची गोष्ट पाहायला मिळणार असून या टीझरने सगळ्यांचं मन जिंकलं आहे.

टीझरमध्ये चंदेरी गावातील सगळे पुरुष स्त्रीच्या मूर्तीवर अभिषेक करताना पाहायला मिळत आहेत. पण काही दिवसांतच स्त्री परत येते आणि गावातील पुरुषांवर हल्ला करायला सुरुवात करते तर श्रद्धाचाही वेगळा अंदाज या टीझर मध्ये पाहायला मिळतोय. श्रद्धाचं स्त्री आहे कि स्त्री नेमकी दुसरीच कोणीतरी आहे याची गोष्ट सिक्वेलमध्ये उलगडेल असा अंदाज आहे. टीझरच्या शेवटी असलेला राजकुमारचा स्त्रीच्या डोक्याचा मसाज करून देण्याचा संवाद सगळ्यांचं मन जिंकतोय. एकूणच स्त्री 2च्या टीझरने प्रेक्षकांची उत्सुकता कमालीची वाढवली आहे.

'स्त्री'ची कास्ट

या सिनेमात श्रद्धा कपूर (Shraddha Kapoor), राजकुमार राव (RajKummar Rao), पंकज त्रिपाठी (Pankaj Tripathi), अपारशक्ती खुराना (Aparshakti Khurana), अभिषेक बॅनर्जी (Abhishek Banerjee) यांची मुख्य भूमिका आहे. तर अमर कौशिक यांनी या सिनेमाचं दिग्दर्शन केलं आहे. पुन्हा एकदा सचिन आणि जिगर (Sachin-Jigar) हा सिनेमा संगीतबद्ध करणार असून ज्योती देशपांडे (Jyoti Deshpande) यांनी या सिनेमाची निर्मिती केली आहे.

रिलीज डेट

हा बहुप्रतीक्षित सिनेमा १५ ऑगस्ट २०२४ ला प्रेक्षकांच्या भेटीस येणार असून हा सिनेमा पाहण्यासाठी प्रेक्षक अतिशय उत्सुक आहेत. टीझरलाही प्रेक्षकांचा उत्तम प्रतिसाद मिळतोय.