यशराज बॅनरची धूम ही फ्रॅंचायझी यशस्वी ठरलेली आहे. आतापर्यंत त्याचे तीन भाग आले आणि ते यशस्वीही झाले आहेत. आता चर्चा सुरू आहे ती ‘धूम ४’ या नव्या भागाची. या भागामध्ये अभिनेता रणबीर कपूर सहभागी होणार, हे आधीच जाहीर करण्यात आले आहे आणि त्याचबरोबर आता श्रद्धा कपूरही या चौथ्या भागात असण्याची शक्यता वर्तविली जात आहे. सूत्रांचा असा दावा आहे की, आदित्य चोप्राने रणबीर कपूरला ‘धूम’ फ्रँचायझी चित्रपटात कास्ट करण्याचा निर्णय घेतला आहे.
त्याला ही फ्रँचायझी रीबूट करायची आहे. ‘ॲनिमल’च्या सुपर सक्सेसनंतर ‘धूम ४’मध्ये रणबीर कपूरची एन्ट्री उत्सुकता वाढवणारी आहे. आता यात श्रद्धा कपूर रणबीर कपूरसोबत रोमान्स करताना दिसणार आहे. ही बातमी समजताच सोशल मीडियावर चाहत्यांनी आनंद व्यक्त केला आहे. रणबीर कपूर आणि श्रद्धा कपूर ही जोडी ‘तू झूठी मैं मक्कार’ या चित्रपटात दिसली होती.
या चित्रपटात त्यांची जोडी प्रेक्षकांना भावली. आता पुन्हा एकदा रणबीर कपूरसोबत श्रद्धा कपूर मुख्य भूमिकेत दिसणार आहे. तथापि, निर्मात्यांनी अद्याप ही बातमी अधिकृतपणे जाहीर केलेली नाही, परंतु सोशल मीडियावर एक फोटो व्हायरल होत आहे. यामध्ये श्रद्धा कपूर, रणबीर कपूरच्या मिठीत असून कॅप्शनमध्ये ‘धूम ४’ असे लिहिले आहे. जेव्हापासून चाहत्यांनी ही पोस्ट पाहिली आहे, तेव्हापासून प्रत्येक जण म्हणत आहे की ‘धूम ४’ हा चित्रपटही ‘तू झुठी मैं मक्कार’सारखा सुपरहिट ठरेल.
ही ॲक्शन सीरिज सध्या प्री-प्रॉडक्शन स्टेजमध्ये आहे. या चित्रपटाचे दिग्दर्शन कोण करणार याबाबत कोणतीही माहिती समोर आलेली नाही. धूमच्या चौथ्या फ्रँचायझीचे शीर्षक ‘धूम रीलोडेड’ असेल, असेही सांगितले जात आहे; परंतु अद्याप अधिकृत माहिती समोर आलेली नाही. शूटिंगबद्दल बोलायचे झाले, तर ‘धूम ४’चे शूटिंग २०२५च्या शेवटी किंवा २०२६च्या सुरुवातीला सुरू होणार असल्याचे कळते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
