उत्सुकता वाढलेला, पण निराश करणारा चित्रपट किंवा मोठमोठे कलाकार आणि धमाकेदार अॅक्शन सीन्स दिग्दर्शक रोहित शेट्टीच्या सिंघम अगेन या चित्रपटाचा ट्रेलर पाहिल्यानंतर या चित्रपटाची कथा काय असणार आहे याची काहीशी कल्पना आलेली होती. मात्र या कथेची मांडणी कशी केली असणार याची उत्सुकता लागलेली होती. कारण मोठमोठे सेलेबल कलाकार, चित्रपटाच्या बजेटवर अव्वाच्या सव्वा खर्च आणि त्यातच हा चित्रपट सिंघम या यशस्वी फ्रंचाईझीचा पुढील भाग त्यामुळे साहजिकच उत्सुकता अधिक वाढलेली होती. परंतु हा चित्रपट पाहिल्यानंतर आपली ती उत्सुकता पूर्ण होते असे काही नाही.