सोनाक्षीची जन्मकुंडली तंतोतंत ठरली खरी , कुंडली प्रमाणेच घडत गेल्या गोष्टी

बॉलीवूड अभिनेत्री सोनाक्षी सिन्हा नुकतचं तिचा बॉयफ्रेंड झहीर इक्बालसोबत लग्नबंधनात अडकली. गेल्या काही दिवसांपासून तिच्या लग्नाची जोरदार चर्चा सुरु होती. दरम्यान, 23 जून 2024 रोजी मित्र परिवार आणि कुटुंबीयांच्या उपस्थितीत दोघांचा नोंदणीकृत विवाह झाला.

सोनाक्षी सिन्हाने 7 वर्षे डेट केल्यानंतर बॉयफ्रेंड झहीर इक्बालसोबत लग्न केले. अशातच सोनाक्षीची जन्म कुंडली समोर आली आहे. अनेकांचा जन्म कुंडली राशी यावर विश्वास नसतो पण सोनाक्षीच्या कुंडलीत लिहल्याप्रमाणेच तिच्या आयुष्यात गोष्टी घडत गेल्या आहेत.

तर नेमकं काय लिहिलं आहे जन्म कुंडलीत?

मिळालेल्या माहितीनुसार सोनाक्षीची रास मिथुन आहे. तिच्या जन्मकुंडलीत प्रेम विवाह लिहीला आहे. पण ती आपल्या प्रेमाची कबुली देण्यासाठी वेळ घेणार.

ज्योतिषने सांगितल्यानुसार, तिचं लग्न उशिरा होईल. दोघांचं नातं अतूट राहीलं. यासोबतच लग्नानंतर सोनाक्षी आपल्या जोडीदारासोबत निखळ प्रेमाच नातं आयुष्यभर जपणार असल्याचेही तिच्या राशीत लिहीलं आहे.

जन्म कुंडलीप्रमाणे सोनाक्षीचा विवाह उशीरा म्हणजेच, 37 व्या वर्षी झाला आहे. तसेच, तिनं प्रेमाची कबुलीही उशीरा दिली आहे. दोघांनी 23 जून 2017 ला प्रेमाची कबुली दिली होती. त्यानंतर 7 वर्षे एकमेकांना डेट केल्यानंतर दोघांनी लग्न करण्याचा निर्णय घेतला. विशेष म्हणजे सोनाक्षीने ज्या दिवशी प्रेमाची कबुली दिली त्याच तारखेला दोघे विवाहबंधनात अडकले.

दोघेही वेगवेगळ्या धर्माचे असल्याने त्यांनी हिंदू आणि मुस्लीम रितीरिवाजाऐवजी रजिस्टर मॅरेजचा निर्णय़ घेतला होता. दोघांच्या लग्नाचे फोटो सध्या सोशल मीडियावर व्हायरल होत आहे. फोटोंमध्ये वधू आणि वर पांढऱ्या पोशाखात पाहायला मिळाले. सोनाक्षीने आपल्या अधिकृत इंस्टाग्राम अकाऊंटवर आपल्या लग्नाचे सुंदर क्षण चाहत्यांसोबत शेअर केले आहेत.

सात वर्षांपूर्वी (23.06.2017) या दिवशी आम्ही एकमेकांच्या डोळ्यात प्रेम पाहिले आणि ते कायम ठेवण्याचा निर्णय घेतला. आज त्या प्रेमाने आम्हाला सर्व आव्हाने आणि विजयांमध्ये मार्गदर्शन केले आहे. आम्हाला या क्षणापर्यंत नेले आहे.

जिथे आमचे कुटुंब आणि देव यांच्या आशीर्वादाने… आता आम्ही पती आणि पत्नी आहोत. आतापासून ते कायमचे एकमेकांसोबत प्रेम, आशा आणि सर्व सुंदर गोष्टी येथे आहेत. सोनाक्षी-झहीर 23-6-2024. अशा आशयाची कॅप्शनदेखील तिनं लिहित झहीरवर असलेलं प्रेम पुन्हा व्यक्त केलं आहे.