सबस्क्राईब करा
Sonalee Kulkarni: साऊथ सुपरस्टार अल्लू अर्जुनच्या (Allu Arjun) पुष्पा-2 (Pushpa 2) या चित्रपटाची प्रेक्षक उत्सुकतेने वाट बघत आहेत. या चित्रपटातील दोन गाणी प्रेक्षकांच्या भेटीला आली आहेत. 'अंगारों' आणि 'पुष्पा राज' ही पुष्पा-2 मधील दोन गाणी सध्या सोशल मीडियावर ट्रेंड होत आहेत. अशातच या गाण्यांमधील अंगारों (Angaaron) या गाण्यावरील डान्सचे व्हिडीओ सध्या नेटकरी सोशल मीडियावर शेअर करत आहेत. नुकताच मराठमोळी अभिनेत्री सोनाली कुलकर्णीचा (Sonalee Kulkarni) एक व्हिडीओ व्हायरल झाला आहे. या व्हिडीओमध्ये सोनाली ही अंगारों या गाण्यावर डान्स करताना दिसत आहे.
सोनालीनं इन्स्टाग्रामवर एक व्हिडीओ शेअर केला आहे. या व्हिडीओमध्ये सोनाली निळ्या रंगाचा ड्रेस आणि मेकळे केस अशा लूकमध्ये दिसत आहे. सोनाली व्हिडीओमध्ये पुष्पा-2 या चित्रपटातील अंगारों या गाण्यावर जबरदस्त डान्स करताना दिसत आहे. या व्हिडीओला सोनालीनं कॅप्शनमध्ये लिहिलं, "आमचा सामे" सोनालीच्या या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.
अंगारों हे गाणं हिंदी, तेलगू आणि तमिळ या भाषांमध्ये रिलीज झालं. हे गाणं श्रेया घोषालनं गायलं आहे. तर या गाण्याची कोरिओग्राफी गणेश आचार्य यांनी केली आहे. या गाण्यातील अल्लू अर्जुन आणि रश्मिका यांच्या डान्सनं अनेकांची मनं जिंकली आहेत.
'पुष्पा-2' या चित्रपटाचे दिग्दर्शन सुकुमार यांनी केले आहे. हा चित्रपट 15 ऑगस्ट रोजी रिलीज होत आहे. या चित्रपटात अल्लू अर्जुनसोबतच रश्मिका मंदान्ना आणि फहद फासिल हे कलाकार प्रमुख भूमिका साकारणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
