Sonam Kapoor: सोनमला वाढदिवशी पतीकडून मिळालं खास गिफ्ट; फोटो शेअर करत म्हणाली...

Sonam Kapoor: बॉलिवूडमधील प्रसिद्ध अभिनेत्री सोनम कपूर (Sonam Kapoor) ही नेहमी कोणत्या न कोणत्या कारणामुळे चर्चेत असते. कधी सोनमच्या वक्तव्यांची चर्चा होते तर कधी तिच्या फॅशन स्टाईलची चर्चा होते. काल (8 जून) सोनमचा 39 वा वाढदिवस होता. सोनमनं तिच्या बर्थ-डे सेलिब्रेशनचे फोटो आणि व्हिडीओ इन्स्टाग्रामवर शेअर केले आहेत. यापैकी एका फोटोमध्ये सोनमला तिच्या पतीनं दिलेलं गिफ्ट दिसत आहे.

सोनमला आनंदनं दिलं खास गिफ्ट

सोनमचा पती आनंद आहूजानं (Anand Ahuja) सोनमला खास गिफ्ट दिलं आहे. त्यानं गीतांजली हा गीतांचा संग्रह सोनमला गिफ्ट म्हणून दिला. सोनमनं आनंदच्या या गिफ्टचा फोटो सोशल मीडियावर शेअर करुन कॅप्शनमध्ये लिहिलं, "माझ्या नवऱ्याने वाढदिवसाला दिलेली भेट... टागोरांच्या गीतांजलीची इंग्रजीत अनुवादित झालेली पहिली आवृत्ती. धन्यवाद आनंद."

सोनमची बहीण रिया कपूरने सोनमच्या बर्थ-डे पार्टीचे फोटो आणि व्हिडीओ शेअर केले होते. यामध्ये सोनमच्या वाढदिवसासाठी केलेले खास डेकोरेशन दिसत आहे.

सोनमचे चित्रपट

सोनम 7 जुलै 2023 रोजी रिलीज झालेल्या क्राईम थ्रिलर 'ब्लाइंड' या चित्रपटातून प्रेक्षकांच्या भेटीला आली. शोम मखिजा आणि सुजॉय घोष यांच्या देखील या चित्रपटात मुख्य भूमिका असतात. 2019 मध्ये सोनमचा 'द झोया फॅक्टर' हा चित्रपट प्रेक्षकांच्या भेटीला आला. आता सोनमच्या आगामी चित्रपटांची प्रेक्षक उत्सुकतेने वाट बघत आहेत.