Sangeet Manapaman Teaser Out: सुरु होणार धैर्यधर आणि भामिनीची सुरेल प्रेमकथा ; संगीत मानापमानच्या टीझरची होतेय चर्चा, भामिनीची भूमिका चर्चेत !

Marathi Latest Movie : 'कट्यार काळजात घुसली' या गाजलेल्या सिनेमानंतर अभिनेता सुबोध भावे पुन्हा एकदा एका भव्य सिनेमाचं दिग्दर्शन केलं आहे. कट्यार नंतर सुबोध संगीत मानापमान हा सिनेमा प्रेक्षकांच्या भेटीस घेऊन येणार आहे. संगीत मानापमान या गाजलेल्या संगीत नाटकावर आधारित हा सिनेमा असून या सिनेमाचा टीझर नुकताच प्रेक्षकांच्या भेटीस आला.

संगीत मानापमान सिनेमाचा टीझर नुकताच सोशल मीडियावर शेअर करण्यात आला. लढाऊ वृत्तीचा आणि राजाच्या सैन्यामध्ये भरती होण्यासाठी उत्सुक असलेल्या धैर्यधर या तरुणाची भूमिका सुबोध या सिनेमात साकारतोय. या भूमिकेची झलक या टीझर मध्ये पाहायला मिळाली. दाढी, धोतर आणि पगडी या पोशाखातील सुबोधचा लूक खूप वेगळा दिसत आहे. तर तो भामिनी नावाच्या तरुणीचा शोध घेत असल्याचंही पाहायला मिळालं. तर वनमाला नावाची स्त्रीही त्याच्या आयुष्यात असल्याचं टीझरमध्ये पाहायला मिळालं. आता या भामिनी आणि वनमाला एकच आहेत का हे हा सिनेमात रिलीज झाल्यावर समजेल.

सोशल मीडियावर सिनेमाचा टीझर शेअर करत सुबोधने त्याला,स्वर, सौंदर्य आणि शौर्याचा अद्भुत मिलाफ!
सादर आहे कै.कृष्णाजी प्रभाकर खाडिलकर यांच्या कलाकृतीवरून प्रेरीत 'संगीत मानापमान' ह्या संगीतमय चित्रपटाची झलक..
येत्या दिवाळीत रुपेरी पडद्यावर अनुभवूया मराठी परंपरेचा साज आणि सुरेल गीतांचा आवाज.' असं कॅप्शन दिलं आहे. अनेकांनी या टीझर कमेंट करत त्याचं या सिनेमासाठी अभिनंदन केलं आणि टीझरचं कौतुक केलं.

या सिनेमात भामिनीच्या भूमिकेत कोण दिसणार हे अजून रिव्हील करण्यात आलं नाहीये. पण टीझरवरील एका स्त्रीच्या आवाजावरून अभिनेत्री नीना कुलकर्णी या सिनेमात काम करणार आहेत असा अंदाज आहे. हा बहुप्रतीक्षित सिनेमा १ नोव्हेंबर २०२४ ला रिलीज होणार आहे. जिओ सिनेमाने या सिनेमाची निर्मिती केली आहे.

कै.कृष्णाजी प्रभाकर खाडिलकर यांच्या गाजलेल्या संगीत मानापमान या संगीत नाटकावर आधारित या सिनेमाची कथा असून एकेकाळी बालगंधर्वांनी या सिनेमात भामिनीची भूमिका साकारली होती.