Vanraj Left Anupama: मराठी मालिका 'आई कुठे काय करते'ने प्रेक्षकांच्या मनात स्थान मिळवलं. याच मालिकेचा रिमेक असलेली हिंदी मधील 'अनुपमा मालिका देखील प्रचंड गाजली. या मालिकेनेदेखील टीआरपीचे रेकॉर्ड तोडले. गेली ४ वर्ष ही मालिका अविरतपणे प्रेक्षकांची सेवा करत आहे. मात्र आता 'अनुपमा'च्या चाहत्यांसाठी वाईट बातमी आहे. ही काही दिवसांपूर्वी अनुपमा आणि वनराज म्हणजेच रुपाली गांगुली आणि अभिनेता सुधांशु पांडे हे दोघेही मालिकेचा निरोप घेणार असल्याचं बोललं जात होतं. मात्र आता या मालिकेतील वनराजने म्हणजेच सुधांशुने या मालिकेचा निरोप घेतला आहे.
त्याने एक व्हिडिओ शेअर करत याबद्दल माहिती दिली आहे. व्हिडिओ शेअर करत सुधांशू पांडे म्हणाला, 'मोठी घोषणा. नमस्कार मित्रांनो. ज्या लोकांनी माझ्यावर इतकी वर्षे प्रेम केलं आणि आदर दिला. त्यांच्याप्रती माझी जबाबदारी आहे. तुम्हा सर्वांना माहित आहे की मी गेल्या चार वर्षांपासून 'अनुपमा' या शोशी जोडलेला आहे. त्या व्यक्तिरेखेसाठी मला खूप प्रेम आणि नाराजी मिळाली. पण ती नाराजी माझ्यासाठी प्रेम आहे. कारण तुम्ही रागावला नाहीत तर मला वाटेल की मी ते काम बरोबर करत नाहीये.'
तो पुढे म्हणाला, 'तुम्ही लोकांनी खूप प्रेम आणि पाठिंबा दर्शवला आहे. आज मी तुम्हाला जड अंतःकरणाने सांगू इच्छितो की मी आता अनुपमा शोचा भाग नाही. कार्यक्रमामध्ये होणाऱ्या रक्षाबंधनाच्या कार्यक्रमाचा मी भाग नाही. इतके दिवस उलटूगेल्यावर मला वाटलं की माझ्या प्रेक्षकांना मी हे स्वतः सांगणं जास्त योग्य होईल. अनुपमा या शोमध्ये मी आता वनराज शाहची भूमिका करत नाहीये. तुमच्या प्रेमाबद्दल धन्यवाद आणि क्षमस्व कारण मला असा अचानक निर्णय घ्यावा लागला.'
सुधांशूने हा निर्णय का घेतला याबद्दल काहीही सांगितलेलं नाही. मात्र आता प्रेक्षक नवा वनराज कोण असणार आहे याकडे डोळे लावून बसले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
