Bigg Boss Marathi 5 : पायलने राखी बांधल्यावर सुरजने पाया पडून घेतला आशीर्वाद ; प्रेक्षकांनी केलं संस्कारांचं भरभरून कौतुक

Bigg Boss Marathi Latest Episode : कलर्स मराठीवरील बिग बॉस मराठी सीजन ५ सध्या खूप गाजतो आहे. घरातील स्पर्धकांचा गेम, त्यांचा वावर यावर प्रेक्षकांची असणारी प्रतिक्रिया सगळ्यांना पाहायला मिळतेय. काल बिग बॉस मराठीच्या तिसऱ्या आठवड्याचा भाऊचा धक्का पार पडला. यावेळी रितेशने प्रत्येक स्पर्धकाला त्याच्या परफॉर्मन्सवरून झापलं.

तर भाऊच्या धक्क्याच्या दुसऱ्या भागात नवीन पाहुणे हजेरी लावणार आहेत. कलर्स मराठीवरील अबीर गुलालची टीम प्रेक्षकांच्या भेटीस येणार आहे. अक्षय केळकर, पायल जाधव आणि गायत्री दातार स्पर्धकांच्या भेटीस येणार आहेत. अक्षय केळकर आणि गायत्री दातार हे बिग बॉस मराठीचे एक्स स्पर्धक होते.

कलर्स मराठीने शेअर केलेल्या प्रोमोमध्ये पाहायला मिळाले कि, अबीर गुलालच्या टीमने सदस्यांबरोबर एक गेम खेळला. प्रत्येक स्पर्धकाला घरातील एका स्पर्धकाला विविध नाव द्यायची होती. त्यानंतर पायलने सूरजला राखी बांधली. ते बघून सूरज भावूक झाला आणि त्याने पाया पडून तिचे आशीर्वाद घेतले. सुरजच्या या कृतीचं खूप कौतुक होतंय.

सोशल मीडियावर अनेकांनी सुरजचं भरभरून कौतुक केलं आहे. सूरज खरंच सुसंस्कृत आहे असं अनेकांनी म्हंटल आहे. तर पायल आणि सूरजचा बॉण्ड सगळ्यांना आवडला. अबीर गुलाल टीमबरोबरचा टास्क पाहायला प्रेक्षक उत्सुक आहेत. तेव्हा पाहायला विसरू नका बिग बॉस मराठी सीजन ५ दररोज रात्री ९ वाजता कलर्स मराठीवर आणि जिओ सिनेमावर कधीही.