Salman Khan : टॉम क्रूझच्या 'मिशन इम्पॉसिबल'च्या टीमबरोबर करणार सलमान खान काम

Salman Khan : अभिनेता सलमान खान सध्या त्याच्या घरावर झालेल्या गोळीबार प्रकरणामुळे चर्चेत आहे पण घडल्या प्रकरमळे घाबरून न जाता सलमानने सिनेमात काम करणं सुरु ठेवलं आहे. लवकरच त्याचा सिकंदर हा सिनेमा प्रेक्षकांच्या भेटीस येणार आहे आणि मीडिया रिपोर्ट्सनुसार या सिनेमासाठी खास हॉलिवूडची टीम स्टंट डिझाईन करणार आहे. काही दिवसांपूर्वीच १८ जूनपासून या सिनेमाच्या शूटिंगला सुरुवात होणार असल्याचं म्हंटलं जात होतं.

टॉम क्रुझच्या टीमची मदत घेणार सलमान

टाईम्स नाऊच्या रिपोर्टनुसार, सध्या काही फॅन अकाऊंट्सनी असं म्हंटलं आहे कि, टॉम क्रूझच्या मिशन इम्पॉसिबल सिनेमातील गाजलेला उडी मारण्याचा सीन चित्रित करणारे अॅक्शन दिग्दर्शक आता सिकंदर सिनेमातील सलमानचे अॅक्शन सीन्स तयार करणार आहेत. ही बातमी ऐकून जरी सलमानचे चाहते खुश झाले असले तरीही अजून सिकंदर सिनेमाच्या टीमने किंवा मिशन इम्पॉसिबल सिनेमाच्या टीम कडून याबाबत कोणतंही अपडेट शेअर करण्यात आलं नाहीये.

सिकंदर सिनेमाची चर्चा

या वर्षी रमजान ईदला सलमानने त्याच्या आगामी सिनेमाची सिकंदरची घोषणा केली. "यावर्षी बडे मियां आणि छोटे मिया , मैदान सिनेमा बघा आणि पुढील वर्षी सिकंदरला भेटा."अशी पोस्ट सलमानने त्याच्या सोशल मीडिया अकाऊंटवर शेअर केली होती. ए आर मुरुगदास हे हा सिनेमा दिग्दर्शित करणार असून साजिद नाडियादवाला या सिनेमाची निर्मिती करणार आहेत. रश्मिका मंदाना, सुनील शेट्टी, प्रतीक पाटील बब्बर या सिनेमात काम करणार आहेत. रश्मिका पहिल्यांदाच सलमानबरोबर काम करतेय. याबरोबरच तिचा 'पुष्पा २' हा सिनेमाही प्रेक्षकांच्या भेटीस येतोय.

सिनेमातील कमाल स्टंट

या सिनेमाचं शूटिंग १८ जून २०२४ ला सुरु होणार असून सिनेमाच्या पहिल्या शेड्युलमध्ये एक कमाल स्टंट शूट होणार आहे. समुद्र सपाटीपासून ३३००० फूट उंचीवर विमानाचा वापर करून हा सीन शूटिंग केला जाणार आहे असं म्हंटल जातंय. या सिनेमाची आणि सिक्वेन्सची चर्चा आतापासूनच प्रेक्षकांमध्ये रंगली आहे.