Bollywood Unknown Facts : 'दिलवाले दुल्हनिया...' साठी शाहरुख नाही तर हा हॉलीवूडचा अभिनेता होता निर्मात्यांची पहिली निवड

Dilwale Dulhaniya Le Jayenge : काजोल आणि शाहरुख खान याची मुख्य भूमिका असलेला 'दिलवाले दुल्हनिया ले जायेंगे' हा सिनेमा प्रेक्षकांच्या भेटीस आला आणि हा सिनेमा आजही सगळ्यांचा लाडका आहे. नव्वदच्या दशकात अतिशय गाजलेल्या या सिनेमातील शाहरुखने सांगितलेली राज ही भूमिका गाजली. पण तुम्हाला माहितीये का ? या भूमिकेसाठी शाहरुख या सिनेमाचे दिग्दर्शक आदित्य चोप्रा यांची पहिली निवड नव्हती.

'दिलवाले दुल्हनिया ले जायेंगे' हा सिनेमा जेव्हा आदित्य चोप्रा यांनी लिहिलीय तेव्हा त्यांनी हॉलिवूड सुपरस्टार टॉम क्रूझला डोळ्यासमोर ठेवून लिहिला होता. आदित्य यांना दोन संस्कृतींवर भाष्य करणारी प्रेमकथा सिनेमात दाखवायची होती. एक अमेरिकन तरुण आणि भारतीय तरुणी यांची प्रेमकथा त्यांना दाखवायची होती. पण त्यांचे वडील यश चोप्रा यांनी त्यांना सल्ला दिला कि, तू स्क्रिप्ट पुन्हा लिही. त्यांनी त्यांच्या वडिलांचा सल्ला ऐकलं आणि पुढे शाहरुख खान आणि काजोल या जोडीचा हा सिनेमा भारतीय सिनेमाच्या इतिहासातील अजरामर सिनेमा ठरला. हा किस्सा अनुपमा चोप्रा यांनी त्यांच्या 'दिलवाले दुल्हनिया ले जायेंगे : द मेकिंग ऑफ या ब्लॉकबस्टर' या पुस्तकात सांगितला आहे. काजोलने देखील एका मुलाखतीत हा किस्सा सांगितला होता.

'दिलवाले दुल्हनिया ले जायेंगे' या सिनेमाने नव्वदच्या दशकात २०० करोड रुपयांची कमाई केली होती. या सिनेमात शाहरुख आणि काजोल बरोबर फरीदा जलाल, अमरीश पुरी, अनुपम खेर, सतीश शाह, मंदिरा बेदी, परमीत सेठी यांची मुख्य भूमिका होती. या सिनेमाने त्या काळी १० फिल्मफेअर अवॉर्ड्स मिळाले होते.