Vicky Kaushal & Katrina Kaif : बॉलिवूडमधील स्टार कपल विकी कौशल आणि कॅटरिना कैफ कायमच चर्चेत असतात. मध्यंतरी कॅटरिना प्रेग्नेंट असल्याची चर्चाही सोशल मीडियावर रंगली होती. याबाबत नुकतंच विकीने 'बॅड न्यूज' सिनेमाच्या प्रोमोशन दरम्यान खुलासा केला.
बॅड न्यूज सिनेमाच्या प्रोमोशन दरम्यान विकीला कॅटरिनाच्या प्रेग्नेंसीबाबत आणि वाढदिवसाबाबत प्रश्न विचारण्यात आला. यावर उत्तर देताना विकी म्हणाला कि,"तुम्ही कॅटरिनाच्या वाढदिवसाविषयी प्रश्न विचारला हे खूप चांगलं केलं. तर तिचा वाढदिवस जवळ येतोय आणि प्रोमोशनमुले मला अजिबात वेळ मिळाला नाहीये. ती सुद्धा प्रवासात बिझी आहे. त्यामुळे टाईम स्पेंड करण्यावर मी भर देणार आहे आणि गुड न्यूज बाबत म्हणायचं झालं तर जेव्हा ती असेल तेव्हा निश्चितपणे आम्ही तुमच्या बरोबर नक्की शेअर करू. "
गेला बराच काळ कॅटरिनाच्या प्रेग्नेंसीच्या चर्चा सगळीकडे रंगल्या आहेत. त्यात तिचा सततचा परदेशात होणारा प्रवास आणि ढगळ कपड्यांमध्ये तिचं वावरणं यामुळे या चर्चांना आणखी हवा मिळाली होती पण आता विकीच्या स्पष्टीकरणामुळे या चर्चा थांबतील असा अंदाज आहे.
विकी, तृप्ती डिमरी आणि अॅमी विर्क यांची मुख्य भूमिका असलेला हा सिनेमा १९ जुलै २०२४ ला रिलीज होतोय. या सिनेमाची गाणी सोशल मीडियावर गाजत आहेत. 'तौबा तौबा' हे गाणं सध्या ट्रेंड करतंय तर विकी आणि तृप्तीवर चित्रित झालेल्या 'जानम' या गाण्यातील त्या दोघांच्या भन्नाट केमिस्ट्रीने इंटरनेटवर धुमाकूळ घातला आहे. याबरोबरच विकीचा या वर्षी 'छावा' हा सिनेमा रिलीज होणार असून तो संजय लीला भन्साळी यांच्या 'लव्ह अँड वॉर' या सिनेमातही काम करणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
