Katrina Kaif Birthday : विकी कौशलचे बायकोसाठी कौतुकाचे शब्द, वाढदिवसाला पोस्ट केलं असं काही...

Vicky Kaushal & Katrina Kaif : चाळीशी ओलांडलेली बॉलीवुड अभिनेत्री कतरिना कैफवर वाढदिवसानिमित्त शुभेच्छांचा वर्षाव होतोय. वाढदिवसानिमित्त सोशल मिडीयावर कतरिनाला शुभेच्छा दिल्या जात आहेत. यातच एका खास व्यक्तिकडून कतरिनाला मिळालेल्या शुभेच्छा लक्ष वेधून घेत आहेत. ही व्यक्ति दुसरी तिसरी कुणी नसून कतरिनाचा पती अभिनेता विकी कौशल आहे.

कतरिनाच्या वाढदिवसानिमित्त विकी कौशलने सोशल मिडीयावर खास पोस्ट केली आहे. या पोस्टमध्ये विकी कौशलने कतरिनासोबतचे काही खास क्षण असलेले फोटो शेयर केले आहेत. या फोटोंमध्ये दोघांच्या खास एकत्र आठवणी पाहायला मिळत आहेत. सोबतच कॅप्शनमध्येही विकीने कतरिनासाठीचं प्रेम व्यक्त केलं आहे. विकी या पोस्टमध्ये लिहीतो की, "तुझ्यासोबत आठवणी बनवणं हे माझ्या आयुष्यातील सगळ्यात आवडता भाग आहे. वाढदिवसाच्या शुभेच्छा माझं प्रेम."

या फोटोंमध्ये विकी आणि कतरिना एकमेकांसोबत किती आनंदी आहेत हे पाहायला मिळतय. दोघांच्या रिलेशनशीपमधील काही खास क्षण या फोटोंमध्ये पाहायला मिळत आहेत. विकी कौशल आणि कतरिना कैफ यांच्या वयात पाच वर्षांचं अंतर आहे. २०२१ मध्ये ९ डिसेंबर रोजी विकी आणि कॅटने लगीनगाठ बांधली होती. राजस्थान येथे काही जवळच्या मित्रपरिवाराच्या उपस्थितीत दोघांचा विवाहसोहळा पार पडला होता.

एका चॅट शोमध्ये कतरिना आणि विकी कौशल एकत्र दिसले होते. शिवाय एका अवॉर्ड शो दरम्यानही त्यांचा गमतीशीर संवाद झाला होता. 'कॉफी विथ करण' या शोमध्ये कतरिनाने विकी कौशलच्या कामाचं कौतुक केलं होतं. तर याच शोमध्ये विकी कौशलला कतरिनाने केलेल्या कौतुकाविषयी कळले आणि त्याने हटके प्रतिक्रिया दिली होती. त्यानंतर विकी आणि कतरिना अनेक कार्यक्रमात एकत्र दिसू लागले होते. दोघांच्या अफेअरच्या चर्चांना उधाण आलं होतं.

कतरिना आणि विकी कौशल ही बॉलीवुडची पसंत केली जाणारी ऑफस्क्रिन जोडी आहे. मात्र दोघं ऑनस्क्रिन कधी एकत्र झळकतील याविषयी सगळ्यांना उत्सुकता आहे.

'मेरी ख्रिसमस' या चित्रपटानंतर कतरिनाच्या आगामी चित्रपटाची प्रेक्षकांना उत्सुकता आहे. तर विकी कौशलच्या 'बॅड न्यूज' या चित्रपटाची सध्या चर्चा आहे. या चित्रपटातील 'तौबा तौबा' हे गाणं मोठ्या प्रमाणात चर्चेत आलं असून सोशल मिडीयावर या गाण्याचे डान्स रील व्हायरल होताना दिसत आहेत.