Kangana Ranaut: बॉलिवूडमधील प्रसिद्ध अभिनेत्री आणि भाजपची नेता कंगना रणौत (Kangana Ranaut) नेहमी कोणत्या न कोणत्या कारणामुळे चर्चेत असते. काल (6 जून) चंदीगड विमानतळावर कुलविंदर कौर नावाच्या CISF च्या महिला जवानाने (Kulwinder Kaur CISF Constable) कानशिलात लगावली. या प्रकरणाची चर्चा आता सोशल मीडियावर होत आहे. अशातच आता एका सेलिब्रिटींनी या प्रकरणाबाबत एक पोस्ट सोशल मीडियावर शेअर केली आहे. या पोस्टनं अनेकांचे लक्ष वेधले आहे.
कंगना रणौतसोबत घडलेल्या चंदीगड विमानतळावरील घटनेबाबत विशालनं पोस्ट केली. या पोस्टमध्ये त्यानं लिहिलं, "मी कधीही हिंसेचे समर्थन करत नाही, परंतू सीआयएसएफ जवानाच्या रागाची गरज मला पूर्णपणे समजली. सीआयएसएफ जवानावर कोणतीही कारवाई केल्यास, त्यांना नोकरी संधी मिळेल, याची मी खात्री करेन, जर त्यांनी ती स्वीकारली तर. जय हिंद. जय जवान. जय किसान." विशालच्या या पोस्टची सध्या चर्चा होत आहे.
गुरुवारी कंगना रणौत दिल्लीला जाण्यासाठी फ्लाइट पकडण्यासाठी चंदीगड विमानतळावर पोहोचली. कंगना विमानतळाच्या बोर्डिंग पॉईंटवर गेल्यावर तेथे उपस्थित असलेल्या सीआयएसएफ अधिकारी कुलविंदर कौरनं तिच्या कानशिलात लगावली. या घटनेचा व्हिडीओ व्हायरल होत आहे. या घटनेनंतर कुलविंदर कौर यांना निलंबित करण्यात आले असून त्यांच्यावर एफआयआर दाखल करण्यात आला आहे.
कंगनानं शेतकरी आंदोलनादरम्यान केलेल्या विधानामुळे महिला सीआयएसएफ जवानाने तिच्या कानशिलात लगावली, असं म्हटलं जात आहे.
कंगनानं नुकतीच लोकसभा निवडणूक लढवली आहे. कंगनाचा या निवडणुकीत दणदणीत विजय झाला. कंगनानं हिमाचल प्रदेशमधील मंडी लोकसभा मतदारसंघातून भाजप या पक्षातून निवडणूक लढली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.