महिलांनो तरुणपणी घेतलेली जमीन उतारवयात होईल आधार

जतिन सुरतवालामहिलांच्या नावाने गुंतवणूक केल्यानंतर मिळणारे वाढते फायदे व तिच्या अस्तित्वाला आणखी सबल करण्यासाठी होणारे प्रयत्न लक्षात घेता, महिलांच्या नावाने केली जाणारी गुंतवणूक सर्वार्थाने फायद्याची ठरत आहे..दरमहा किंवा दरवर्षी हाती येत असलेले उत्पन्न, त्याच्या तुलनेत होत असलेला खर्च आणि गुंतवणूक ही साधी आर्थिक गणिते मांडत गुंतवणुकीला प्राधान्य दिले जाते. व्यक्तीनिहाय वेगवेगळ्या पद्धतीने या सूत्रात बदलही होतो. गुंतवणूक करायची झाली, की ती कुटुंबातील प्रमुख व्यक्तीच्या नावाने करायची ही आपल्याकडे गेल्या अनेक वर्षांपासून चालत आलेली संस्कृती आहे. ही व्यक्ती म्हणजे बऱ्याचदा घरातील कर्ता पुरुष असतो. आता त्यात बदल होत असून, महिलांच्या नावेदेखील संपत्तीत गुंतवणूक केली जात आहे किंवा स्वतःच्या गरजा भागविण्यासाठी ती महिलेच्या नावावर विकत घेतली जात आहे. Investment in Property Beneficial for womenमहिलांच्या नावाने गुंतवणूक Investment केल्यानंतर मिळणारे वाढते फायदे व तिच्या अस्तित्वाला आणखी सबल करण्यासाठी होणारे प्रयत्न लक्षात घेता, महिलांच्या नावाने केली जाणारी गुंतवणूक सर्वार्थाने फायद्याची ठरत आहे. याचा विचार करता व्यावसायिक जागांमध्ये महिलांनी गुंतवणूक करावी का, याबाबत पुढील बाबी महत्त्वाच्या ठरत आहेत..मालमत्तेमधील गुंतवणूक फायदेशीरगुंतवणुकीचा सुरक्षित पर्याय, अल्पावधीत मिळणारा चांगला परतावा, अत्यल्प जोखीम आणि दीर्घकाळासाठी होत असलेली गुंतवणूक यामुळे जागेमध्ये किंवा स्थावर मालमत्तेमध्ये गुंतवणूक करण्याला प्राधान्य देण्याचा कल वाढत आहे. त्यामुळे बांधकाम व्यवसायातील Construction या प्रकारच्या गुंतवणुकीला असलेली मागणी वाढत आहे. त्यासाठी ग्राहकांना गुंतवणुकीचे अनेक पर्यायदेखील उत्पन्न होत आहेत. या मालमत्तेमधील गुंतवणूक ही तीन वेगवेगळ्या पर्यायांच्या माध्यमातून केली जाते.१) रिकामी किंवा मोकळी जागा (प्लॉट) : भविष्यात स्वतःचे आलिशान घर बांधायचे आहे किंवा व्यावसायिक वापरासाठी बांधकाम करायचे आहे, अशा ग्राहकांकडून या जागांना प्राधान्य दिले जात आहे. त्यामुळेच शहराच्या बाहेर अशा अनेक जागा सध्या उपलब्ध आहे.२) निवासी जागा : स्वतःचे घर Home झाले आहे, मात्र गुंतवणूक म्हणून दुसरे घर घेण्याला आजही अनेकांची पसंती आहे. त्यामुळे निवासी घरांतदेखील मोठ्या प्रमाणात गुंतवणूक होत आहे. घर आणि स्वतःची बचत यातून त्या घराच्या कर्जाचे हप्ते भरता येऊ शकतात, असे अनेकांचे गणित असते.३) व्यावसायिक जागा : बांधकाम क्षेत्रात गुंतवणूक केल्यानंतर अत्यंत चांगला परतावा आणि भाडेस्वरुपातील रक्कम याचा विचार करता ही गुंतवणूक महत्त्वाची ठरत आहे. त्यामुळे बांधकाम क्षेत्रात गुंतवणूक करताना सध्या व्यावसायिक जागांना मोठी पसंती आहे.हे देखिल वाचा-.नोकरदार असाल तर रोखीनंच घ्या कार.गुंतवणूक पर्यायांचा तुलनात्मक विचारवरील तीनही पर्यायांचा तुलनात्मक विचार केला असता असे लक्षात येते, की रिकाम्या जागेमधील गुंतवणुकीमध्ये चांगला परतावा मिळतो, मात्र जोखीम जास्त असते. निवासी जागा आणि व्यावसायिक जागा या दोन पर्यायांमधून मिळणारा परतावा यांच्यात खूपच तफावत आहे. व्यावसायिक जागेतून मिळणारा परतावा निवासी जागेतून मिळणाऱ्या परताव्याच्या तुलनेत जास्त आहे. त्यामुळे आपण कर्ज काढून अशी गुंतवणूक करणार असू तर हे कर्ज लवकर संपू शकते.जागा भाडेतत्त्वावर घेण्याचे प्रमाण वाढतेसद्यस्थितीत तंत्रज्ञानातील झपाट्याने होणाऱ्या प्रगतीमुळे नवनवे व्यवसाय जन्माला येत आहेत. जागतिकीकरणाच्या आणि आर्थिक उदारीकरणाच्या रेट्यामुळे व्यवसाय करण्याकडे असलेला कल दिवसेंदिवस वाढत आहे. त्यामुळे पुण्यात स्टार्टअपची संख्या वाढत आहे. साहजिकच वाढत्या उद्योगांसाठी व्यावसायिक जागांची मागणी चांगलीच वाढते आहे. कारण नव्या व्यावसायिकांकडे मोठ्या भांडवलाची कमतरता असल्यामुळे व्यवसायासाठी लागणारी जागा सुरुवातीच्या काळात भाड्याने घेण्याशिवाय त्यांना पर्याय नसतो. त्यामुळे व्यावसायिक जागांची मागणी या नवउद्योजकांकडून मोठ्या प्रमाणात वाढत आहे..व्यावसायिक जागेत चांगला परतावाव्यावसायिक मालमत्तेत गुंतवणूक केली, तर साधारण सहा ते सात टक्क्यांपासून बारा टक्क्यांपर्यंत भाड्याच्या रूपात परतावा मिळू शकतो. व्यावसायिक मालमत्तेमध्ये गुंतवणूक करताना किमतीच्या ८० टक्के रक्कम आठ ते नऊ टक्के व्याजदराने मिळते. त्यामुळे किमतीच्या केवळ २० टक्के रक्कम गुंतवून व्यावसायिक मालमत्ता खरेदी करता येते. ही व्यावसायिक मालमत्ता दुकान, ऑफीस, गोदाम, शोरूम या प्रकारची असू शकते आणि ती कोणत्याही व्यवसायासाठी भाड्याने देऊन भराव्या लागणाऱ्या कर्जाच्या हप्त्याचा भार कमी होतो. कर्जाच्या व्याजावर प्राप्तिकरात सूटही मिळते. अशी व्यावसायिक मालमत्ता कोणत्याही वस्तूंचे रिटेल शॉप, ऑफीस, हॉटेल, पार्लर, बँक, पतसंस्था, कॉर्पोरेट संस्था यांना भाड्याने देता येते.गुंतवणूकमूल्यात वृद्धीदीर्घकाळासाठी गुंतवणूक केली, तर साधारण आठ-दहा वर्षांमध्ये या मालमत्तेचे मूल्य दुप्पट होऊ शकते. कारण दीर्घकाळासाठी गुंतवणूक केली, तर किमतींमध्ये सरासरी दहा टक्के वार्षिक वाढ अपेक्षित असते. व्यावसायिक मालमत्तेमध्ये गुंतवणूक करण्याचे असे अनेक फायदे आहेत. या फायद्यांचा पुरेपूर लाभ घ्यायचा, तर काही गोष्टींचा अभ्यास करणे, काही गोष्टींबाबतीत दक्ष असणे अत्यंत गरजेचे आहे. आपण ज्या ठिकाणी, ज्या भागात ही मालमत्ता घेणार आहोत, त्या भागाची आणि इमारतीची परिपूर्ण माहिती म्हणजे उत्कृष्ट लोकेशन, आसपासच्या परिसरातील प्रस्तावित विकास योजना, जवळपासचे उद्योग, दळणवळणाची साधने, संपर्कसाधने, साधारण पाच किलोमीटरच्या परिघातील लोकसंख्या, इमारतीच्या स्वच्छतेची आणि देखभालीची व्यवस्था आदी माहिती असणे आवश्यक आहे. ही माहिती या क्षेत्रातील तज्ज्ञ व्यक्तीकडून, सल्लागाराकडून करून घेतली, तर गुंतवणुकीवर नक्कीच चांगला परतावा मिळू शकतो.हे देखिल वाचा-.जीएसटीसाठी नोंदणी केलीच नाही तर??.कर्जरकमेची मर्यादाकोणतीही गुंतवणूक करीत असताना स्वतःकडे भांडवल आणि आपल्याला किती कर्ज मिळेल ही बाब अत्यंत महत्त्वाची असते. आपल्याकडे किती रक्कम आहे आणि उर्वरित रकमेचे कर्ज मिळण्यासाठी आपण पात्र आहोत का, हाही मुद्दा लक्षात घ्यावा. कर्ज घेतल्यानंतर त्याचा हप्ता आणि गुंतवणुकीतून मिळणारा परतावा या सर्वांचे आर्थिक गणित योग्य पद्धतीने मांडायला हवे. आपण साधारण किती टक्क्यांपर्यंत कर्ज घेतल्यास ते परवडू शकेल याचे नियोजन बांधकाम क्षेत्रातील व्यावसायिक जागेत गुंतवणूक करताना करावे.या सर्व मुद्द्यांचा विचार करता बांधकाम क्षेत्रातील व्यावसायिक जागांमधील गुंतवणूक महिलांसाठीदेखील फायदेशीर ठरत असल्याचे स्पष्ट होते. त्यामुळे जवळ आलेला मार्चअखेर आणि या महिन्यात असलेला गुढीपाडवा यांचा विचार करता व्यावसायिक जागांमध्ये गुंतवणूक करण्याची हीच योग्य वेळ आहे.निवृत्तीनंतरचे नियोजनवयाच्या ४०-४५ व्या वर्षी निवृत्ती घ्यायची आणि शांत, निवांत आयुष्य जगायचे हा ट्रेंड सध्या अनेकांनी आत्मसात केला आहे. त्यासाठी २० ते २५ व्या वर्षी कामाला सुरूवात केली जाते. तुम्ही लवकर निवृत्त होत असाल, तर नेमकी कोणत्या प्रकारात गुंतवणूक करायची याचा विचारपूर्वक निर्णय घेणे गरजेचे आहे. कारण निवृत्तीच्या वेळी आपल्याकडे चांगली रक्कम असेल आणि तुम्ही दीर्घकाळासाठीच्या गुंतवणुकीचा विचार करत असाल, तर जागेतील गुंतवणूक हा योग्य निर्णय ठरू शकतो. कारण तरुणपणी घेतलेली जमीन उतारवयात महत्त्वाची गुंतवणूक ठरेल.(लेखक सुरतवाला बिझनेस ग्रुप लि.चे कार्यकारी संचालक व अध्यक्ष आहेत.).सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.