सुधाकर कुलकर्णी
क्रेडिट स्कोअर चांगला असण्याचे फायदे बरेच आहेत, पण तो चांगला राखण्यासाठी करायचं काय?
गृह कर्ज, वाहन कर्ज, शैक्षणिक कर्ज, अन्य वैयक्तिक कर्जे तसेच क्रेडिट कार्ड देताना बँका सर्वप्रथम सबंधिताचा क्रेडिट स्कोअर किती आहे, हे पाहतात आणि तो समाधानकारक असेल तरच कर्ज देऊ करतात.
क्रेडिट स्कोअर ७५०च्या पुढे असल्यास तो समाधानकारक समजला जातो. (हा स्कोअर ३०० ते ९००च्या दरम्यान असतो.) क्रेडिट स्कोअर कमी असल्यास आपला अर्ज विचारात घेतला जात नाही आणि विचारात घेतला तरी व्याजाचा दर, तारण, परतफेडीचा कालावधी तसेच जामीन याबाबतच्या अटी जाचक असतात.
आपला क्रेडिट स्कोअर हा समाधानकारक ठेवणे आवश्यक असते. पण विविध कारणांनी तो कमीच होताना दिसतो.
अशावेळी काय करायचं, क्रेडिट स्कोअर समाधानकारक राहण्यासाठी नेमके काय करायचे, याची माहिती घेऊ.
