रोहिणी गोसावी, पॅरिस
रवी वेल्हाळ यांनी चित्रपट क्षेत्राचा प्रवास ‘लाइट्स कॅमेरा ॲक्शन’वरून ‘लाइट्स कम्प्युट ॲक्शन’पर्यंत आणून पोहोचवलाय आणि तेच सध्या त्यांचं ब्रीदवाक्य आहे.
अलीकडेच पार पडलेली पॅरिस ऑलिंपिक स्पर्धा अनेक कारणांनी गाजली. त्यातले एक कारण म्हणजे पॅरिस ऑलिंपिकच्या स्पर्धा आणि सोहळे भारतासह जगभरातल्या आणखी नऊ देशांमध्ये पहिल्यांदाच 8K रेझोल्युशनमध्ये लाइव्ह स्ट्रीम करण्यात आल्या.
8K रेझोल्युशन म्हणजे आत्ता आपण बघतो त्या ‘फुल एचडी’पेक्षा सोळापट अधिक रेझोल्युशन! आणि या कामगिरीमागे असलेला चेहरा नुसताच भारतीय नाही, तर मराठमोळा आहे... रवी वेल्हाळ त्यांचं नाव!