Cost and Management Accountant : शासकीय व खासगी संस्था, बँकिंग शिक्षण-प्रशिक्षण आणि संशोधन क्षेत्रांमध्ये कॉस्ट अकाउंटंटला मोठी मागणी

इन्स्टिट्यूट ऑफ कॉस्ट अकाउंटंट्स ऑफ इंडिया ही भारत सरकारच्या कॉर्पोरेट अफेअर्स मंत्रालयांतर्गत कार्यरत असणारी एक महत्त्वाची संस्था आहे. कॉस्ट आणि मॅनेजमेंट अकाउंटन्सी या क्षेत्रातील शिक्षण- प्रशिक्षण देणारी व नियमन करणारी ही जगातील दुसऱ्या क्रमांकाची संस्था आहे..संस्थेचे अभ्यासक्रम-सीएमए (कॉस्ट ॲण्ड मॅनेजमेंट अकाउंटन्ट) फाउंडेशन कोर्सपात्रता - बारावी उत्तीर्ण.इंटरमिजिएट अभ्यासक्रम-पात्रता - (१) सीएमए फाउंडेशन अभ्यासक्रम उत्तीर्ण (२) कोणत्याही विद्याशाखेतील पदवीधर. यंदा पदवीची अंतिम परीक्षा दिलेले विद्यार्थी या अभ्यासक्रमासाठी पात्र ठरतात..अभ्यासक्रम करण्याचे फायदे -(१) सध्याच्या औद्योगिक आणि आर्थिक गरजा लक्षात घेऊन अभ्यासक्रमाची संरचना करण्यात आली आहे.(२) विद्यार्थ्यांना उत्तम करिअर करण्यासाठी उपयुक्त ठरेल असा अभ्यासक्रम आणि औद्योगिक जगताला उपयुक्त ठरतील असे सीएमए विद्यार्थी अशी या अभ्यासक्रमाची वैशिष्ट्ये आहेत.(३) संगणकीय आणि व्यक्तिमत्त्व विकासाला उपयुक्त ठरणाऱ्या विषय घटकांचा या अभ्यासक्रमात समावेश करण्यात आला आहे.(४) यात व्यवस्थापन, व्यूहनीती, नियामक कार्यप्रणाली आणि वित्तीय अहवाल तयार करणे या चार मुख्य घटकांचे ज्ञान दिले जाते.(५) अभ्यासक्रमात औद्योगिक जगतास आवश्यक असणाऱ्या प्रात्यक्षिकांचा समावेश करण्यात आला आहे..प्रवेश प्रकियाफाउंडेशन आणि इंटरमिजिएट अभ्यासक्रमाला वर्षभर प्रवेश दिला जातो. डिसेंबर सत्रासाठी विद्यार्थ्यांनी ३१ जुलैपूर्वी प्रवेश घेणे आवश्यक आहे, आणि ज्या विद्यार्थ्यांना जून महिन्यातील सत्रासाठी प्रवेश घ्यावयाचा असेल त्यांनी ३१ जानेवारीपूर्वी अर्ज करणे आवश्यक आहे. अर्ज पोस्टाने पाठवता येतो.काय शिकाल?हा अभ्यासक्रम करणाऱ्या विद्यार्थ्यांना- (१) व्यवस्थापकीय निर्णय प्रकिया, (२) अर्थसंकल्पीय स्थैर्य, (३) प्रभावी कार्यान्वयन, (४) निर्मिती सेवा व्यवस्थापनाचे मूल्यांकन, (५) नफ्यातील तफावतीची कारणे आणि जबाबदार घटकांचा शोध घेणे या बाबींचे ज्ञान दिले जाते..करिअर संधीसीएमएना विविध शासकीय व खासगी आस्थापना, बँकिंग आणि वित्तीय क्षेत्र, सार्वजनिक क्षेत्र विकास संस्था, शिक्षण-प्रशिक्षण आणि संशोधन क्षेत्रांमध्ये मोठी मागणी आहे. या मनुष्यबळाकडे असणाऱ्या स्पेशलाइज्ड ज्ञानामुळे बऱ्याच खासगी आणि काही सार्वजनिक आस्थापनांमध्ये चेअरमन-कम-मॅनेजिंग डायरेक्टर, मॅनेजिंग डायरेक्टर, फायनान्स डायरेक्टर, फायनान्शिअल कंट्रोलर, चीफ फायनान्शिअल ऑफिसर, कॉस्ट कंट्रोलर, मार्केटिंग मॅनेजर, चीफ इंटर्नल ऑडिटर अशा महत्त्वाच्या पदांवर नियुक्तीची संधी मिळू शकते..एक्साइज, सेबी-सेक्युरिटीज ॲण्ड एक्स्चेंज बोर्ड ऑफ इंडिया, एनएसडीएल-नॅशनल सेक्यिुरीटिज डिपॉझिटरी लिमिटेड, इतर नियामक संस्था, सल्लागार संस्थांमध्येही सीएमए लेखापरीक्षण सेवा देऊ शकतात. केंद्रीय अबकारी विधिनियम, सेवा कर कायदा, विविध राज्यांचे करविषयक कायदे, केंद्रीय अबकारी कायद्याचे प्रमाणीकरण, कॉस्ट रेकॉर्ड्स मेंटेनन्स कन्सल्टंट, स्पेशल ऑडिट अंडर कस्टम्स ॲक्ट, बँकेचे स्टॉक लेखा परीक्षण, बँक क्षेत्रासाठी वसुली सल्लागार आदी क्षेत्रातही सीएमए स्वतंत्रपणे काम करू शकतात.संपर्क- वेस्टर्न इंडिया रिजनल कौन्सिल, रोहित चेंबर्स, फोर्थ फ्लोअर, जन्मभूमी मार्ग, फोर्ट मुंबई-400001, दूरध्वनी- +91-22-8828061444ईमेल- wirc@icmai.in, संकेतस्थळ-www.icmai.in--------------------------------------------------------------------.Career as a Jewellery Designer: तज्ज्ञांच्या मते आभूषणांच्या जगात १.३ मिलियन रोजगाराच्या संधी उपलब्ध होऊ शकतात.ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories