इंडियन इन्स्टिट्यूट ऑफ इन्फॉर्मेशन टेक्नॉलॉजी (आयआयआयटी) या संस्थेची स्थापना भारत सरकारने केली आहे. विद्यार्थ्यांना माहिती तंत्रज्ञान, संगणकशास्त्र आणि इलेक्ट्रॉनिक्स या विषयातील उच्चप्रतीचे शिक्षण-प्रशिक्षण मिळण्यासाठी या संस्थांच्यावतीने प्रयत्न केले जातात.
या संस्थांना स्वायत्तता प्रदान करण्यात आली आहे. या संस्था काळानुरूप व उद्योगांच्या गरजा लक्षात घेऊन स्वत:चा अभ्यासक्रम ठरवत असतात वा त्यात बदल करत असतात.