Football : युरो 'फुटबॉल' मधील कोणता युवा खेळाडू ठरणार रोनाल्डोचा उत्तराधिकारी?

किशोर पेटकरतुर्किएने जॉर्जिया संघाला नमविले, तेव्हा संघासाठी दुसरा गोल करणाऱ्या अर्दा गुलेरचे वय १९ वर्षे व ११४ दिवस इतके होते. इतक्यातच गुलेर याची रोनाल्डोशी तुलना करणे गैर ठरेल. पण स्पेनमधील प्रतिथयश रेयाल माद्रिद क्लबकडून खेळणाऱ्या गुलेरची जागतिक फुटबॉल दखल घेऊ लागले आहे, हे मात्र खरे..पोर्तुगालचा सुपरस्टार आघाडीपटू ख्रिस्तियानो रोनाल्डो आता कारकिर्दीच्या उत्तरार्धात वावरत आहे. युरो करंडकाच्या इतिहासात सर्वाधिक म्हणजेच सहा स्पर्धा खेळणारा हा ३९ वर्षीय फुटबॉलपटू एकमेवाद्वितीय आहे. त्याच्या देदीप्यमान कारकिर्दीला वीस वर्षांपूर्वी युरो करंडक स्पर्धेतच दिशा गवसली होती. १२ जून २००४ रोजी पोर्तुगालच्या या हुकमी खेळाडूने युरो स्पर्धेतील पदार्पणात गोल केला, तेव्हा तो फक्त १९ वर्षे व १२८ दिवसांचा होता. दोन दशके अबाधित राहिलेला रोनाल्डोचा विक्रम यावेळच्या युरो स्पर्धेत तुर्किएच्या नवोदित युवा प्रतिभाशाली फुटबॉलपटू अर्दा गुलेर याने मोडीत काढला. तुर्किएने फ गट साखळीत जॉर्जिया संघाला नमविले, तेव्हा संघासाठी दुसरा गोल करणाऱ्या गुलेर याचे वय १९ वर्षे व ११४ दिवस इतके होते. इतक्यातच गुलेर याची रोनाल्डोशी तुलना करणे गैर ठरेल. पण स्पेनमधील प्रतिथयश रेयाल माद्रिद क्लबकडून खेळणाऱ्या गुलेरची जागतिक फुटबॉल दखल घेऊ लागले आहे, हे मात्र खरे. .अपेक्षा वाढवलेले फुटबॉलपटूजर्मनीचा जमाल मुसियाला याने लागोपाठ दोन सामन्यांत गोल नोंदवून सातत्य राखले. युरो स्पर्धेत जमालने स्कॉटलंडविरुद्धच्या पहिल्या लढतीत गोल केला, तेव्हा तो २१ वर्षे व १०९ दिवसांचा होता. त्याच सामन्यात २१ वर्षे व ४२ दिवसांचा असलेला फ्लोरियन विर्त्झ हा युरो स्पर्धेत गोल करणारा सर्वांत कमी वयाचा जर्मन फुटबॉलपटू ठरला होता. जमाल, फ्लोरियान यांच्याकडे जर्मन फुटबॉल मोठ्या अपेक्षेने पाहत आहे. इंग्लंडच्या ज्युड बेलिंगहॅम याने सर्बियाविरुद्ध गोल केला. यावेळी तो २० वर्षे व ३५३ दिवसांचा होता. युरो करंडक इतिहासात इंग्लंडसाठी गोल करणारा तो वेन रुनी व मायकेल ओवेन यांच्यानंतरचा तिसरा युवा फुटबॉलपटू ठरला. ज्युड बेलिंगहॅमने तीन वर्षांपूर्वी युरो करंडकात पदार्पण केले होते, तेव्हा तो १७ वर्षे व ३४९ दिवसांचा होता. आता तो अनुभव संपन्न प्रगल्भ झाला असून इंग्लंडचे आक्रमण सांभाळताना दिसत आहे. फ्रान्सच्या किलियन एम्बाप्पेने कमी वयातच मोठा लौकिक संपादन केला आहे. आता २५व्या वर्षी त्याच्याकडे जगातील बलाढ्य फ्रेंच फुटबॉल संघाचे नेतृत्व आहे. .सोळाव्या वर्षी युरो पदार्पणयावेळच्या युरो करंडकात सर्वांत कमी वयात पदार्पण करणाच्या विक्रम स्पेनच्या लामिन यामल याने केला. क्रोएशिया विरुद्धच्या लढतीसाठी तो मैदानात उतरला तेव्हा त्याचे वय अवघे १६ वर्षे ३३८ दिवस इतके होते. यापूर्वी पोलंडचा कॅस्पर कोझवोस्की १७ वर्षे व २४६ दिवसांचा असताना गतवेळच्या युरो करंडक स्पर्धेत स्पेनविरुद्ध खेळला होता.(किशोर पेटकर सकाळ माध्यम समूहाच्या दै. गोमन्तकचे क्रीडा वार्ताहर आहेत. )--------------------.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.