Kolhapur Tour : फक्त खायलाच नाही तर फिरायला देखील कोल्हापूरमधील ठिकाणं आहेत लय भारी..!

अखिल महाराष्ट्र गिर्यारोहण महासंघपावसाळ्यात आजूबाजूच्या खोल दऱ्यांत उतरणारे ढग, क्षणात निरभ्र होणारे आकाश व कड्यावरून कोसळत असलेले शुभ्र फेसाळणारे छोटे छोटे धबधबे, गार वारे, अधूनमधून कोसळणारा पाऊस मनाला मोहून टाकत असतो. गर्द झाडी असल्याने हे थंड हवेचे ठिकाण असल्यासारखे भासते. रानफुले व रानभाज्यांचाही हंगाम याच काळात असतो..मसाई पठार, जि. कोल्हापूरलँडमार्क : पन्हाळगडजवळचे प्रमुख शहर : कोल्हापूरइतर शहरांपासूनचे अंतर :पुण्याहून : २३४ किलोमीटरमुंबईहून : ३७७ किलोमीटरनागपूरहून : ८८४ किलोमीटरसर्वात जवळचे विमानतळ : कोल्हापूरसर्वात जवळचे रेल्वेस्थानक : श्री छत्रपती शाहू महाराज टर्मिनस, कोल्हापूरसर्वात जवळचे बसस्थानक : बोरपाडळेस्थानिक प्रवासाची सोय : खासगी वाहनकसे जाता येईल?पन्हाळ्याकडे जाताना बोरपाडळे या गावाच्या पुढे मसाई पठाराकडे जाण्यासाठी रस्ता आहे. पठारापर्यंत वाहने जातात. बस सेवा उपलब्ध नाही.स्वतःचे वाहन किंवा खासगी वाहनाने जाता येते. बाईक राईड करण्यासाठीही हे ठिकाण उत्तम आहे.पर्यटकांना विशेष सूचनासायंकाळी ५ नंतर सार्वजनिक वाहतुकीची सोय नाही. स्वतःचे वाहन असल्यास उत्तम. येथे निवासाची व जेवणाची व्यवस्था नाही. परंतु पठाराकडे जाताना काही रिसॉर्ट आहेत, तेथे सोय होऊ शकते.महाराष्ट्रातले सर्वात मोठे टेबललँड म्हणून मसाई पठार ओळखले जाते. मसाईदेवीच्या मंदिरामुळे हे पठार मसाई पठार या नावाने प्रसिद्ध आहे.जांभ्या खडकामध्ये खोदलेल्या पांडवकालीन २५ गुहा याच पठारावर आहेत. येथील व्हर्टिकल अॅडव्हेंचर पार्कही पर्यटकांचे आकर्षण ठरते.पावसाळ्यात आजूबाजूच्या खोल दऱ्यांत उतरणारे ढग, क्षणात निरभ्र होणारे आकाश व कड्यावरून कोसळत असलेले शुभ्र फेसाळणारे छोटे छोटे धबधबे, गार वारे, अधूनमधून कोसळणारा पाऊस मनाला मोहून टाकत असतो. पावसाळ्यात पठारावर रानफुलांचा हंगाम सुरू होतो.यामध्ये अतिदुर्मीळ रंगांच्या व वैशिष्ट्यपूर्ण आकाराच्या कंदीलफुलांच्या तीन प्रजाती या पठारावर आढळतात.श्रीक्षेत्र रामलिंग, जि. कोल्हापूरजवळचे गाव : हातकणंगलेजवळचे प्रमुख शहर : कोल्हापूरइतर शहरांपासूनचे अंतर :पुण्याहून : २३१ किलोमीटरमुंबईहून :३७३ किलोमीटरनागपूरहून : ८४३ किलोमीटरसर्वात जवळचा विमानतळ : कोल्हापूरसर्वात जवळचे रेल्वेस्थानक : श्री छत्रपती शाहू महाराज टर्मिनस, कोल्हापूरसर्वात जवळचे बसस्थानक : हातकणंगलेस्थानिक प्रवासाची सोय : खासगी वाहनकसे जाता येईल ?कोल्हापूरपासून हातकणंगले सुमारे २५ किलोमीटर अंतरावरचे तालुक्याचे गाव आहे. येथून पाच किलोमीटर अंतरावर रामलिंग हे पर्यटनस्थळ आहे. कोल्हापूर ते हातकणंगले येथे बससेवा उपलब्ध आहे. हातकणंगले येथून खासगी वाहनाने रामलिंग येथे जाता येते.पर्यटकांना विशेष सूचनापरिसर अतिशय निसर्गरम्य आहे, निसर्गाचे नुकसान होणार नाही, याची काळजी अवश्य घ्यावी. प्लॅस्टिकचा वापर टाळावा. धार्मिक स्थळाचे पावित्र्य राखावे. श्रीक्षेत्र रामलिंग येथे निवासाची सोय नाही, पण कोल्हापूर शहरात निवासाची व जेवणाची सोय होऊ शकते.प्रभू रामचंद्र वनवासात असताना त्यांचा रामलिंग येथे मुक्काम होता, अशी आख्यायिका आहे. त्यामुळे प्रभू रामचंद्रांच्या पदस्पशनि पावन झालेली भूमी म्हणून श्रीक्षेत्र रामलिंगची ओळख आहे. या ठिकाणी महादेवाचे अतिशय प्राचीन असे कोरीव दगडात बांधलेले मंदिर असून, मंदिरातील पिंडीवर अखंड पाण्याची धार सुरू असते. एक दिवसाच्या पर्यटनासाठी हे स्थळ चांगले आहे. गर्द झाडी असल्याने हे थंड हवेचे ठिकाण असल्यासारखे भासते. येथील निसर्गरम्य वातावरणात वनभोजनाचा आनंद घेता येतो..गगनबावडा (गगनगड), जि. कोल्हापूरलँडमार्क : पळसंबे- डी. वाय. पाटील साखर कारखान्यापासून ९ किलोमीटर अंतरावर.जवळचे प्रमुख शहर : कोल्हापूरइतर शहरांपासूनचे अंतर :पुण्याहून : २८७ किलोमीटरमुंबईहून : ४३० किलोमीटरनागपूरहून : ९३७ किलोमीटरसर्वात जवळचे विमानतळ : कोल्हापूरसर्वात जवळचे रेल्वेस्थानक : श्री छत्रपती शाहू महाराज टर्मिनस, कोल्हापूरसर्वात जवळचे बसस्थानक : गगनबावडास्थानिक प्रवासाची सोय : खासगी वाहन, रिक्षाकसे जाता येईल?गगनबावडा कोल्हापूरहून ५५ किलोमीटर अंतरावर आहे. कोल्हापूरहून येथे येण्यासाठी नियमित बससेवा आहे. याशिवाय कोकणातून कोल्हापूरला जाणाऱ्या बस गगनबावडा बसस्थानकात थांबतात.गगनबावड्यातून २ किलोमीटरचा पक्का रस्ता गगनगडापर्यंत जातो. गगनगडाच्या जवळजवळ अर्ध्या उंचीपर्यंत गाडीने जाता येते. गगनबावडा एसटी स्थानकातून गडावर चालत जाण्यास ३० मिनिटे लागतात.पर्यटकांना विशेष सूचनागाडीतळापासून पायऱ्यांनी गडावर जाण्यास ५ मिनिटे लागतात. गगनगडाचे दरवाजे रात्री ९ ते सकाळी ५ बंद असतात. आपल्या वागणुकीने गडाचे नुकसान होणार नाही, याची काळजी घ्यावी.गडावर भक्तनिवासात राहण्याची सोय होऊ शकते. गडावर प्रसादाचे जेवण असते. तसेच छोटी-मोठी हॉटेल्सही आहेत. महाराष्ट्राची ‘चेरापुंजी’ व ‘मिनी महाबळेश्वर’ म्हणून ओळखल्या जाणाऱ्या गगनबावड्यात गगनगड आहे.गगनगडाची उभारणी बाराव्या शतकात झाली असून, त्याचे श्रेय शिलाहार राजवंशातला राजा दुसरा भोज याला जाते. इ.स. १६५८मध्ये छत्रपती शिवाजी महाराजांनी हा किल्ला घेतला. एकोणिसाव्या शतकात गगनगिरी महाराजांच्या वास्तव्यामुळे हा गड प्रकाशझोतात आला.गगनबावड्याचे वैशिष्ट्य म्हणजे येथून कोकणात उतरायला दोन घाटरस्ते आहेत. पहिला करूळ घाट व दुसरा भुईबावडा घाट. करूळ व भुईबावडा घाटात पावसाळ्यात उगम पावणारे लहान-मोठे धबधबे वर्षापर्यटनासाठी आलेल्या पर्यटकांची हौस भागविण्यास पुरेसे ठरतात..आंबा घाट, जि. कोल्हापूरलँडमार्क : आंबा, कोल्हापूर- रत्नागिरी सीमेवरचे गावजवळचे प्रमुख शहर : कोल्हापूरइतर शहरांपासूनचे अंतर :पुण्याहून : २३९ किलोमीटरमुंबईहून : ३८२ किलोमीटरनागपूरहून : ८९० किलोमीटरसर्वात जवळचा विमानतळ : कोल्हापूरसर्वात जवळचे रेल्वेस्थानक : संगमेश्वरसर्वात जवळचे बसस्थानक : आंबास्थानिक प्रवासाची सोय : खासगी वाहनकसे जाता येईल ?कोल्हापूरपासून आंबा घाट ७० किलोमीटरवर आहे. कोल्हापूर-रत्नागिरी मार्गावरील एसटी महामंडळाच्या बस आंबा गावात थांबतात. स्वतःच्या वाहनाने गेल्यास जवळपासची ठिकाणे पाहता येतात.पर्यटकांना विशेष सूचनाअतिशय सुंदर घाट आहे, मात्र निसर्गाचा आनंद घेत असतानाच वाहने चालवताना काळजी घ्यावी. खोल दऱ्या असल्यामुळे सेल्फी काढण्याचा मोह टाळावा. धबधब्याच्या ठिकाणी हुल्लडबाजी करू नये. निसरडी वाट किंवा आडवळणाचा मार्ग टाळावा. निसर्गस्थळांचे विद्रूपीकरण करू नये.परिसरात अनेक हॉटेल्स, लॉज, रिसॉर्ट आहेत, तेथे राहण्याची व जेवणाखाण्याची उत्तम सोय होऊ शकते. पर्यटकांना येथे एप्रिल ते जून या कडक उन्हाळ्याच्या कालावधीत गारवा मिळतो आणि रानमेवा चाखायला मिळतो. रानफुले व रानभाज्यांचाही हंगाम याच काळात असतो.समुद्रसपाटीपासून सुमारे ७५० मीटर उंचीवर असलेले आंबा घाटमाथ्यावरचे उटी म्हणूनही ओळखले जाते. पर्यटकांना उन्हाळा, हिवाळा व पावसाळा या तिन्ही ऋतूंत पर्यटनाची संधी आहे. पावसाळ्यात ओसंडून वाहणाऱ्या मानोली जलाशयातल्या बोटिंगचा आनंद महाबळेश्वर व काश्मीरप्रमाणे अनुभवता येतो.------------------------------------.Monsoon Health Advice : पावसाळी पर्यटन कमालीचे सुखदायी पण पर्यटन करत असाल तर या गोष्टींची घ्या काळजी....ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Kolhapur Tour : फक्त खायलाच नाही तर फिरायला देखील कोल्हापूरमधील ठिकाणं आहेत लय भारी..!

अखिल महाराष्ट्र गिर्यारोहण महासंघ

Related Stories