Marathi Poem : कुठेतरी दूर

By : चिन्मय आलुरकर

चल, कुठेतरी दूर जाऊ

फक्त तू आणि मी

एका शांत तळ्याकाठी

जिथे नसतील कुठलेच आवाज

ना माणसांचे, ना मिडियाचे...

ना Influence करायला कोणी असेल

ना Attention खेचून घ्यायला

जेव्हा कोणाचीही कुठलीच मतं

ऐकू येणार नाहीत

तेव्हा खरं ऐकू येईल मला

तू आतून काय म्हणतोयस ते

तेव्हा खरं कळेल

नक्की माझं म्हणणं काय आहे

चल, कुठेतरी दूर जाऊ

फक्त तू आणि मी

कारण आता बरेच दिवस झालेत

मला माझा आवाज ऐकून

----------------------