डॉ. अविनाश भोंडवे
स्नायूंचे आकारमान वाढवण्याचा दृष्टीने, एखाद्या व्यक्तीने दररोज किती प्रमाणात प्रथिनांचे सेवन करावे, याचा हिशोब त्याचे वय, लिंग, शारीरिक हालचालींची पातळी, सर्वसाधारण आरोग्य अशा अनेक घटकांवर अवलंबून असते. स्नायूवर्धन करू इच्छिणाऱ्या व्यक्तींनी, दैनंदिन आहारातून प्रथिने कितपत घ्यावीत, त्यांच्या शरीराच्या वजनानुसार त्यांचे प्रमाण काय असावे यावर झालेल्या काही संशोधनांतून चांगली कल्पना येते.