पुणे - तडीपार केलेले असतानाही शहरात येऊन चार वर्षांच्या मुलीला टेकडीवर नेत तिच्यावर अत्याचार करणाऱ्याला न्यायालयाने २१ वर्ष सक्तमजुरी व ७५ हजार रुपयांच्या दंडाची शिक्षा सुनावली आहे. विशेष न्यायाधीश के. पी. क्षीरसागर यांनी हा निकाल दिला..उच्चाप्पा लिंगप्पा मंगळूर (वय ३०, रा. चिंचवड) असे शिक्षा झालेल्याचे नाव आहे. त्याच्याविरोधात मुलीच्या वडिलांनी चिंचवड पोलिस ठाण्यात तक्रार दिली होती. २ ऑक्टोबर २०१८ ला बिजलीनगर येथील टेकडीवर ही घटना घडली होती. मंगळूर याला पुणे शहर आयुक्तालय व पुणे ग्रामीण जिल्ह्याच्या हद्दीतून तडीपार करण्यात आले होते. मात्र, तो तडीपारीच्या आदेशाचे उल्लंघन करून शहरात आला होता. मुलगी ही घरासमोर अंगणवाडीच्या मैदानात खेळत असताना आरोपीने तिला टेकडीवर नेत लैंगिक अत्याचार केले..या खटल्याचे कामकाज विशेष सरकारी वकील नितीन कोंघे यांनी पाहिले. गुन्हा शाबीत करण्यासाठी त्यांनी १० साक्षीदार तपासले. त्यामध्ये मुलीसह प्रत्यक्षदर्शी साक्षीदार, वैद्यकीय अधिकारी यांनी दिलेली साक्ष महत्त्वाची ठरली. आरोपीने त्याची वासना शमविण्यासाठी हा घृणास्पद गुन्हा केला आहे. त्यामुळे मुलीला शारीरिक व मानसिक धक्का बसला आहे..आरोपीची गुन्हेगारी पार्श्वभूमी लक्षात घेता कोणतीही दयामाया न दाखविता त्याला कठोर शिक्षा द्यावी, असा युक्तिवाद विशेष सरकारी वकील नितीन कोंघे यांनी केला. चिंचवड ठाण्याचे वरिष्ठ निरीक्षक जितेंद्र कोळी आणि हवालदार दिनेश बांबळे यांनी न्यायालयाच्या कामकाजात मदत केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
पुणे - तडीपार केलेले असतानाही शहरात येऊन चार वर्षांच्या मुलीला टेकडीवर नेत तिच्यावर अत्याचार करणाऱ्याला न्यायालयाने २१ वर्ष सक्तमजुरी व ७५ हजार रुपयांच्या दंडाची शिक्षा सुनावली आहे. विशेष न्यायाधीश के. पी. क्षीरसागर यांनी हा निकाल दिला..उच्चाप्पा लिंगप्पा मंगळूर (वय ३०, रा. चिंचवड) असे शिक्षा झालेल्याचे नाव आहे. त्याच्याविरोधात मुलीच्या वडिलांनी चिंचवड पोलिस ठाण्यात तक्रार दिली होती. २ ऑक्टोबर २०१८ ला बिजलीनगर येथील टेकडीवर ही घटना घडली होती. मंगळूर याला पुणे शहर आयुक्तालय व पुणे ग्रामीण जिल्ह्याच्या हद्दीतून तडीपार करण्यात आले होते. मात्र, तो तडीपारीच्या आदेशाचे उल्लंघन करून शहरात आला होता. मुलगी ही घरासमोर अंगणवाडीच्या मैदानात खेळत असताना आरोपीने तिला टेकडीवर नेत लैंगिक अत्याचार केले..या खटल्याचे कामकाज विशेष सरकारी वकील नितीन कोंघे यांनी पाहिले. गुन्हा शाबीत करण्यासाठी त्यांनी १० साक्षीदार तपासले. त्यामध्ये मुलीसह प्रत्यक्षदर्शी साक्षीदार, वैद्यकीय अधिकारी यांनी दिलेली साक्ष महत्त्वाची ठरली. आरोपीने त्याची वासना शमविण्यासाठी हा घृणास्पद गुन्हा केला आहे. त्यामुळे मुलीला शारीरिक व मानसिक धक्का बसला आहे..आरोपीची गुन्हेगारी पार्श्वभूमी लक्षात घेता कोणतीही दयामाया न दाखविता त्याला कठोर शिक्षा द्यावी, असा युक्तिवाद विशेष सरकारी वकील नितीन कोंघे यांनी केला. चिंचवड ठाण्याचे वरिष्ठ निरीक्षक जितेंद्र कोळी आणि हवालदार दिनेश बांबळे यांनी न्यायालयाच्या कामकाजात मदत केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
