पुणे-नगरमधील शेतकऱ्यांनो, कुकडीमधील पाणीपातळीत होतेय घट!

घोडेगाव (पुणे) : कुकडी प्रकल्पांतर्गत येणाऱ्या डिंभे धरणात शनिवारी (ता.16) 3.89 टीएमसी (31.15 टक्के) पाणीसाठा शिल्लक आहे. धरणाच्या डाव्या आणि उजव्या कालव्यातून सुरू असलेल्या विसर्गामुळे धरण साठ्यातील पाणी झपाट्याने कमी होत आहे. डाव्या कालव्याला 20 मार्चपासून 600 क्‍युसेक तर उजव्या कालव्याला 26 मार्चपासून 220 क्‍युसेकने पाणी सोडण्यात येत आहे. 

पुणे : ...म्हणून ठेकेदारांना जिल्हा परिषदेत `नो एन्ट्री`

गेल्या वर्षी अंतिम टप्प्यात धरणातील पाणी संपल्याने आंबेगाव-शिरूर येथील बागायत क्षेत्रांना मोठा फटका बसला होता. राज्याचे कामगार मंत्री दिलीप वळसे पाटील यांनी यावर्षी लक्ष घालून अंतिम टप्प्यात पाणी सुरू राहील, यावर लक्ष केंद्रित केले आहे. आंबेगाव तालुक्‍यातील डिंभे धरण आणि जुन्नर तालुक्‍यातील येडगाव, माणिकडोह, वडज, पिंपळगाव जोगा आणि घोड या सहा धरणांचा मिळून कुकडी प्रकल्प तयार झाला आहे. 

पुण्यावर नामुष्की : अॅम्ब्युलन्स न आल्यानं रस्त्यावर एकाचा मृत्यू

यामध्ये डिंभे धरण सर्वांत मोठे आहे. या धरणाचा 12.50 टीएमसी उपयुक्त पाणीसाठा आहे. कुकडी प्रकल्पातील पाण्यावर नगर जिल्ह्यातील श्रीगोंदा, कर्जत, पारनेर, करमाळा हे तालुके आणि पुणे जिल्ह्यातील आंबेगाव, शिरूर, जुन्नर हे तीन तालुके अवलंबून आहेत. कुकडी प्रकल्पातील पाणी वाटपावर पुण्याबरोबरच नगर जिल्ह्याचे देखील लक्ष असते. धरणामधील पाण्याचा कालव्यांव्दारे सतत विसर्ग सुरू असल्याने धरणामध्ये कमी पाणीसाठा शिल्लक आहे. 

जिसका कोई नही उसका खुदा है...

या पाण्याचा सर्वांत जास्त फायदा ऊस उत्पादक शेतकऱ्यांना झाला आहे. कोरोनाच्या पार्श्‍वभूमीवर शेतकऱ्यांच्या मालाला गेली दोन महिने बाजारभाव मिळत नसल्याने शेतकरी अडचणीत आलेला आहे. परंतु ऊसाच्या क्षेत्रामुळे काही शेतकरी त्यातून तारले गेले आहेत.

पुढील वर्षी हक्काचे उत्पादन म्हणून शेतकरी ऊस पिकाकडे पाहत आहेत. कुकडी प्रकल्पातील 16 मेच्या आकडेवारीनुसार डिंभे धरणात 31.15 टक्के एवढा पाणीसाठा शिल्लक आहे. 

पुण्याच्या इतर बातम्या वाचण्यासाठी येथे- क्लिक करा