आंबेठाण (पुणे) : खेड तालुक्‍यासह शिरूर आणि दौंड तालुक्‍याला वरदान ठरणाऱ्या भामा आसखेड धरणात गुरुवारी सकाळी सहापर्यंत 56.76 टक्के पाणीसाठा जमा झाला आहे. मागील वर्षीच्या तुलनेत हा साठा अत्यंत कमी असून, गेल्या वर्षी आजच्या दिवशी धरणात 98.58 टक्के पाणीसाठा होता.
भामा आसखेड धरण भरण्यास या वर्षी उशीर होत आहे. धरणात पुरेसा पाणीसाठा होतो की नाही, याबाबत बळिराजाला चिंता आहे. त्यामुळे शेतकऱ्यांसह या पाण्यावर अवलंबून असणाऱ्या शहरी भागातील नागरिकांच्या तोंडचे पाणी पळाले आहे.
भामा आसखेड धरणाची पाणी साठवण क्षमता 8.14 टीएमसी आहे. खेडच्या पश्‍चिम भागात भामा आसखेड हे मातीचे धरण आहे. चालू वर्षी एक जूनपासून धरण क्षेत्रात 464 मिलिमीटर पावसाची नोंद करण्यात आली आहे. बुधवारी दिवसभरात 27 मि.मी. पावसाची नोंद करण्यात आली आहे. धरणात सध्या 4.83 टीएमसी पाणीसाठा शिल्लक आहे ,तर जिवंत पाणीसाठा हा 4.35 टीएमसी इतका आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.