पुणे : कोव्हीशील्डच्या दुसऱ्या डोससाठी मंगळवारी ६० टक्के लस

पुणे : महापालिकेकडे (pune corporation) कमी लस (vaccine) शिल्लक असल्याने मंगळवारी (२७ जुलै) केवळ महापालिकेच्या ६१ रुग्णालयांमध्ये कोव्हीशील्डचे (covishield) लसीकरण केले जाणार आहे. नियमात बदल झाल्याने केंद्रांवरील कोव्हीशील्डच्या दुसऱ्या डोससाठी ६० टक्के लस राखीव आहे. तर ६ ठिकाणी कोव्हॅक्सीनची (covaxine) लस उपलब्ध आहे, अशी माहिती महापालिका प्रशासनाने दिली आहे. (60 percent covishield vaccine for second dose Tuesday Pune)

महापालिकेला रविवारी ३४ हजार डोस मिळाले होते, त्यामुळे १९५ केंद्रांवर कोव्हीशील्डचे लसीकरण झाले, पण आता कमी लस शिल्लक असल्याने शाळा, विरंगुळा केंद्र, समाज मंदिर येथेल लसीकरण केंद्र मंगळवारी बंद ठेवले आहेत. केवळ महापालिकेच्या दवाखान्यांमध्ये लसीकरण सुरू राहणार आहे. शासनाकडून लस उपलब्ध झाल्यास बुधवारचे नियोजन केले जाईल, असे प्रशासनातर्फे सांगण्यात आले आहे.

कोव्हीशील्ड

• पहिल्या डोससाठी २० टक्के लस ऑनलाइन बुकींगद्वारे

• पहिल्या डोससाठी २० टक्के लस थेट केंद्रावर उपलब्ध

• पहिला डोस ८४ दिवसांपूर्वी (३ मे) घेतलेल्यांच्या दुसऱ्या डोससाठी ३० टक्के लस ऑनलाइन

• थेट केंद्रावर येणाऱ्यांसाठी ३० टक्के लस दुसऱ्या डोससाठी

कोव्हॅक्सीन

• ६ केंद्रांवर प्रत्येकी ३०० डोस

• पहिल्या डोससाठी आॅनलाइन बुकिंग केलेल्या नागरिकांसाठी २० टक्के लस

• पहिल्या डोससाठी थेट केंद्रावर जाणाऱ्यांसाठी २० टक्के लस

• २९ जून पूर्वी पहिला डोस (२८ दिवस) घेतल्याच्या दुसऱ्या डोससाठी ४० टक्के लस |ऑनलाइन बुकींगद्वारे उपलब्ध

• दुसऱ्या डोससाठी थेट केंद्रावर जाणाऱ्यांसाठी २० टक्के लस उपलब्ध