पुण्यात कालच मार्केट यार्ड परिसरात 28 लाखांची चोरी झाली. या घटना आपल्यासाठी नवीन नसतात पण आता तर चोरीची हद्द झाली आहे. पुण्यातील कॅम्प परिसरातून सायबेरीयन हस्की प्रजातीच्या श्र्वानला एका चोरट्याने पळून नेल्याची घटना समोर आली आहे. या प्रकरणी श्र्वानाचे मालक मोजीस डिसूजा यांनी पोलिसांमध्ये तक्रार दिली आहे.
पोलिसांत दिलेल्या तक्रारीनुसार, डिसूजा हे सेवानिवृत्त असून कॅम्प परिसरात दस्तूर मेहेर रोडवर त्यांच घर आहे. ते त्यांची पत्नी आणि मुलगा यांच्यासह इथे राहतात. त्यांच्याकडे सायबेरियन हस्की प्रजातीचे श्वान ज्याचे नाव त्यांनी "मेस्सी" ठेवले होते.
28 ऑक्टोबर रोजी डिसूजा यांचा मुलगा क्लिंटन यांनी मेसीला रात्री फिरवून आणल्यानंतर मुख्य दरवाजाच्या बाहेर लोखंडी दरवाजाला साखळीने बांधून ठेवले होते. मात्र सकाळी सात वाजता जेव्हा दरवाजा उघडला तेव्हा मेस्सी तिथे नव्हती. डिसुझा यांनी आजूबाजूच्या परिसरात मेसीला शोधलं मात्र त्यांना ती सापडली नाही. त्यांनी जवळच्या अनेक ठिकाणाहून सीसीटीव्ही फुटेज तपासले असता त्यांना एक इसम मेस्सीला घेऊन जात असल्याचे निदर्शनास आले. त्यांनी पोलिसांकडे धाव घेतली असून तक्रार देखील दिली आहे.
डिसूजा यांनी दोन वर्षांपूर्वी सायबेरियन हस्की प्रजातीचे श्वान 35000 रुपयांना घेतले होते. या प्रकरणी एका अज्ञात व्यक्ती विरोधात कलम 379 अन्वये गुन्हा दाखल करण्यात आला आहे. सीसीटीव्हीच्या आधारे पोलिस आरोपीचा शोध घेत आहेत. परदेशी प्रजातीचे श्वान चोरण्याच्या घटना पुण्यातील अनेक उच्चभ्रू भागात वाढल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.