Aaditya Thackeray : महायुती गद्दारांचा चेहरा घेऊन विधानसभा लढणार का?

पुणे - विधानसभा निवडणुकीसाठी महायुतीने मुख्यमंत्रिपदाचा चेहरा जाहीर केलेला नाही. सध्या असलेला भ्रष्ट आणि गद्दारांचा चेहराच घेऊन आगामी विधानसभा लढवणार आहेत की चेहरा बदलणार याबाबत त्यांनी देखील स्पष्टता दिलेली नाही, अशी टीका शिवसेनेचे नेते आदित्य ठाकरे यांनी केली.

आदित्य ठाकरे यांनी आज पुण्यात अनेक गणेश मंडळांना भेट देऊन गणपतीचे दर्शन घेतले. श्रीमंत दगडूशेठ हलवाई गणपतीचे दर्शन घेतल्यानंतर त्यांनी माध्यमांशी संवाद साधला.