सबस्क्राईब करा
शेतात दारू प्यायला ये असे सांगून दारू पिण्याच्या बहाण्याने शेतात बोलावून घेतले. शेतात गेल्यानंतर झटापट झाली.
आळेफाटा - आळेफाटा पोलीस स्टेशनकडुन मिळालेल्या माहितीनुसार, तांबेवाडी (ता. जुन्नर) येथील किशोर तांबे हे बुधवार (दि.५) पासून बेपत्ता असल्याची तक्रार त्यांचे चुलत भाऊ संतोष तांबे वय ४२ रा. तांबेवाडी, ता. जुन्नर) यांनी दिली होती.
सदर तक्रारीवरून आळेफाटा पोलिसांनी चक्रे फिरवत डॉग पथकाच्या साह्याने शोध घेत कॅनॉल असलेल्या विहिरीमध्ये मृतदेह असल्याचं निष्पन्न झाले. या संदर्भात पांडुरंग जिजाबा तांबे (वय-३९ राहणार तांबेवाडी, तालुका जुन्नर) व महेश गोरकनाथ कसाळ (वय-३०, राहणार आळेफाटा, तालुका जुन्नर) या दोघांना पोलिसांनी ताब्यात घेतल्यानंतर आरोपींची चौकशी केली असता त्यांनी सांगितले की, बुधवार (दि.५) रोजी किशोर तांबे यांना शेतात दारू प्यायला ये असे सांगून दारू पिण्याच्या बहाण्याने त्याला शेतात बोलावून घेतले.
शेतात गेल्यानंतर आरोपी व किशोर तांबे यांच्यात झटापट झाली. किशोर तांबे यांना आरोपींनी लोखंडी रॉडने मारहाण केली. या झटपटीत त्यांचा मृत्यू झाला. पुरावा नष्ट करण्यासाठी आरोपींनी त्यांचा मृतदेह एका पोत्यात भरून विहिरीमध्ये टाकून दिला. मृतदेह वर तरंगू नाही म्हणून पोत्यात दगडी भरली. व पाण्यात मृतदेह फेकून दिला. हा खून मुरूम व्यवसायात असलेल्या स्पर्धेमुळे तसेच आमची बदनामी करतो याचा मनात राग धरून आरोपींनी केला असल्याचे निष्पन्न झाले असून दोघांना पोलिसांनी अटक केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.