पुणे : कोथरूडमधून खरीखुरी मेट्रो धावत असताना पाच कोटी रुपये खर्च करून थोरात उद्यानात मोनोरेलचा प्रकल्प हाती घेतला जाणार आहे. त्यासाठी ७० खांब उभे केले जाणार आहेत, पण यामुळे उद्यानातील शांतता भंग होऊन नागरिकांना फिरण्यासाठी पुरेशी जागा राहणार नाही. त्यामुळे हे काम रद्द करावे, अशी मागणी आम आदमी पक्षाने अतिरिक्त आयुक्त विकास ढाकणे यांच्याकडे केली आहे.
डॉ. अभिजित मोरे, ॲड. अमोल काळे, आरती करंजावणे यांनी यासंदर्भात निवेदन दिले आहे. कोथरूडमधील थोरात उद्यान हे सर्वात मोठे उद्यान आहे. या ठिकाणी कोथरूड परिसरातील नागरिक चालणे, पळणे, व्यायामासाठी येतात, तसेच लहान मुलांना खेळण्यासाठी घेऊन येणाऱ्या पालकांचे प्रमाण मोठे आहे. अनेक विद्यार्थी या उद्यानात अभ्यास करतात. त्यामुळे उद्यानात मोनो रेल झाल्यास नागरिकांची अडचण होणार आहे.
या उद्यानात मोनो रेल सुरू करावी, अशी मागणी नागरिकांनी केलेली नाही. कोथरूडमध्ये खरीखुरी मेट्रो धावत असताना ही खेळण्यातील मोनोरेल नागरिकांवर लादू नये, अशी मागणी निवेदनाद्वारे करण्यात आली आहे. थोरात उद्यानातील मोनो रेलला विरोध करणारे आपचे निवेदन प्राप्त झाले असून, महापालिका आयुक्तांकडे यासंदर्भात चर्चा केली जाईल.
- विकास ढाकणे, अतिरिक्त आयुक्त, पुणे महापालिका
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
