निरगुडसर ता.२७ : वळती (ता. आंबेगाव) येथे लोंढे वस्तीत दुचाकी वरून घरी चाललेल्या शिक्षकावर बिबट्याने हल्ला करून जखमी केल्यानंतर वनविभागाला खडबडून जाग आली आणि अखेर माणसावर हल्ला झाल्यानंतरच वनविभागाने तातडीने लोंढे वस्तीत पिंजरा लावला.
वळती परिसरात बिबट्याचा वावर मोठ्या प्रमाणात होता, नागरिकांना बिबट्यांचे दर्शन होत होते तसेच पाळीव प्राण्यांचा बिबट्याकडून जीव जात होता, नागरिकांनी बिबट्यांचा बंदोबस्त करण्याची मागणी करून देखील याकडे वनविभाग दुर्लक्ष करत होते परंतु जेंव्हा माणसावर बिबट्याने हल्ला केला तेंव्हा वनविभागाला जाग आली.
शिक्षक ज्ञानेश्वर बाळू लोखंडे हे शनिवार (ता.२५) रोजी सायंकाळी साडे सात वाजता घरी जात असताना लोंढे वस्ती जवळ गवतात दबा धरून बसलेल्या बिबट्याने दुचाकीवर हल्ला केला यात लोखंडे हे जखमी झाले परंतु लोखंडे यांनी प्रसंगावधान राखून दुचाकी जोरात पळवल्यामुळे त्यांचे प्राण वाचले .घटनेची खबर ग्रामस्थांनी वन विभागाला दिली . त्यानंतर वनविभागाने तातडीने घटनास्थळी जाऊन पिंजरा लावला,यावेळी वळती गावचे सरपंच आनंद वाव्हळ, पोलिस पाटील प्रकाश लोंढे, देवराम लोंढे,संतोष लोंढे आदी स्थानिक शेतकरी उपस्थित होते .
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
