'अजित पवार महाराष्ट्राचे भावी मुख्यमंत्री'; गोविंद बागेतील पोस्टरची चर्चा

बारामतीमधील गोविंद बागेत पाडव्यानिमित्त संपूर्ण पवार कुटुंबिय एकत्र येत असतात. यावेळी अजित पवारांच्या एका समर्थकांनं त्यांच्या निवासस्थानाबाहेर शुभेच्छांचं पोस्टर झळकवलं. यामध्ये अजित पवारांचा उल्लेख भावी मुख्यमंत्री असा करण्यात आल्यानं या पोस्टरची सर्वत्र चर्चा सुरु झाली आहे. (Ajit Pawar Future Chief Minister of Maharashtra poster in front of Govind Bagh Baramati)

गोविंद बागेत पवार कुटुंबियांना शुभेच्छा देण्यासाठी राज्यभरातून त्यांचे शुभचिंतक भेट देतात. यावेळी शरद पवारही त्यांच्या शुभेच्छा स्विकारतात. त्यानुसार एक कार्यकर्ता अजित पवारांना भेटण्यासाठी आला होता. त्यानं आपल्यासोबत एक बोर्ड आणला यावर अजितदादा, महाराष्ट्राचे भावी मुख्यमंत्री असा उल्लेख केला होता. हा फलक त्यानं गोविंद बागेबाहेर लावल्यानं त्याची सर्वत्र चर्चा सुरु होती.

शरद पवार, अजित पवार, सुप्रीया सुळे यांच्यासह पवार कुटुंबियांची प्रत्यक्ष भेट होत असल्यानं राज्यभरातील कार्यकर्ते मोठ्या संख्येत दरवर्षी गोविंद बागेला पाडव्याच्या दिवशी भेट देतात. यंदाही पवार कुटुंबियांचा हा सोहळा दरसालाप्रमाणं संस्मरणीय ठरला.