Latest Pune News: bआळंदी,ता.१२: दादा नमस्कार.आम्ही काॅग्रेसचे कार्यकर्ते आहोत.दादा तुम्ही मुख्यमंत्री व्हायला पाहिजे.तुम्ही असल्यामुळे कायदा व्यवस्था चांगली आहे. दादा आळंदीत सध्या सुरु असलेले देहविक्रय आणि दारूधंदे बंद झाले पाहिजेत. असे साकडे उपमुख्यमंत्री अजित पवार यांना गुलाबपुष्प देत आळंदीतील काॅग्रेसप्रेमी कार्यकर्त्यांनी घातले.
आज आळंदीतील भुमीपुजन कार्यक्रमप्रसंगी उपमुख्यमंत्री अजित पवार आळंदीत आले होते. यावेळी श्री पवार यांचा ताफा मरकळ रस्त्याकडे जात असताना काॅग्रेस कार्यकर्ते आणि वारकरी विद्यार्थी यांनी दादा दादा म्हणत आवाज दिला. आणि श्री पवार यांची गाडी गुलाबपुष्प हातात घेवून थांबलेल्या काॅग्रेस कार्यकर्ते,महिला आणि वारकरी विद्यार्थ्यांपासी थांबली.यावेळी संदिप नाईकरे, रविंद्र रावडे,संजय रावडे यांचेसह महिला कार्यकर्त्या या सर्वांनी श्री पवार यांना गुलाबपुष्प दिले.