बारामती : उपमुख्यमंत्री अजित पवार हे आज (ता. 8) दुपारच्या सत्रात बारामती तालुक्यातील टंचाईग्रस्त भागांची पाहणी करणार आहेत. एक जून पासून बारामती तालुक्यात पावसाने ओढ दिलेली असल्यामुळे तालुक्याच्य अनेक भागात टंचाई सदृश परिस्थिती आहे. अनेक भागातून टँकर तसेच चारा छावण्याची मागणी येत असल्यामुळे या भागात काय उपाययोजना कराव्या लागतील या उद्देशाने अजित पवार यांच्या या दौऱ्याला महत्त्व आहे.
बारामती तालुक्यात यंदा अत्यंत कमी पर्जन्यमानाची नोंद झालेली आहे. अनेक गावामध्ये खरिपाचे पीक हातातून गेले असून रब्बीच्या पिकासाठी शेतकरी पावसाची प्रतीक्षा करीत आहेत. पावसाने ओढ दिलेली असल्यामुळे टंचाईची स्थिती निर्माण झालेली आहे. या भागात गंभीर परिस्थिती निर्माण होईल ही शक्यता गृहीत धरून महसूल विभाग तसेच पंचायत समितीने उपायोजना करण्यास प्रारंभ केला आहे.
बारामती विधानसभा मतदारसंघातील अनेक गावातील ग्रामस्थांची अजित पवार यांनी या गावात येऊन पाहणी करावी अशी इच्छा होती, त्यानुसार अजित पवार आज बारामती तालुक्याचा दौरा करणार आहेत. या दौऱ्यामध्ये टंचाई वर मात करण्याच्या दृष्टीने प्रशासनाला ते काय सूचना करतात याकडे सर्वांचे लक्ष आहे.
नव्या सरकारमध्ये राज्याचे उपमुख्यमंत्री झाल्यानंतर अजित पवार यांचा हा पहिलाच बारामती तालुका दौरा असल्यामुळे या दौऱ्यामध्ये ते कोणत्या गावांना भेटी देत मदतीच्या दृष्टीने काय घोषणा करतात याकडेही तालुक्यातील ग्रामस्थांचे लक्ष लागून राहिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.