अमरावतीच्या नगररचना विभागाच्या सहसंचालकांच्या पत्नीला अटक; बिल्डरची फसवणूक

पुणे - लाचलुचपत विभागाने कारवाई केलेल्या अमरावतीच्या नगररचना विभागाचे सहसंचालक हनुमंत नाझिरकर यांची पत्नी संगीता नाझिरकर यांना मंगळवारी रात्री उशिरा अटक करण्यात आली आहे. आज न्यायालयात हजर केले असता त्यांची तीन ऑक्‍टोबरपर्यंत पोलिस कोठडीत रवानगी करण्यात आली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

संगीता नाझिरकर यांच्यासह नऊ जणांनी बांधकाम प्रकल्पासाठी बनावट कागदपत्रांद्वारे भागीदार बनवून एका बांधकाम व्यावसायिकाची फसवणूक केल्याचा प्रकार उघडकीस आला आहे. या प्रकरणी संग्राम तानाजी सोरटे (वय 44, रा. बारामती) यांनी सिंहगड पोलिस ठाण्यात फिर्याद दिली आहे.

त्यानुसार संगीता हनुमंत नाझिरकर, चंद्रकांत गरड, दिलीप कास्टीया, देवेश जैन, रवींद्र जैन, समीर जैन, राजेंद्र ओसवाल, ऋषभ ओसवाल, सय्यद सुलतान इनामदार यांच्यावर गुन्हा दाखल करण्यात आला आहे.

आता लॉयब्ररी देखील ऑनलाईन; विद्यार्थ्यांनो घरबसल्या करा अभ्यास

सोरटे हे बांधकाम व्यावसायिक आहेत. त्यांचा जमीन खरेदी-विक्री, विकसनाचा व्यवसाय आहे. ते व त्यांचे नातेवाईक मधुकर भरणे यांनी भागीदारीमध्ये ओम साई डेव्हलपर्स नावाची कंपनी सुरू केली. त्यामध्ये चंद्रकांत गरड आणि संगीता यांना भागीदार करून घेतले आहे. त्यानंतर संगीता नाझिरकर व गरड यांनी संगनमत करून, कट रचून फिर्यादी यांनी आर्थिक नुकसान व्हावे आणि त्यांना आर्थिक फायदा व्हावा, या उद्देशाने आर्थिक फसवणूक केल्याचे निदर्शनास आले.

पुणेकरांनो, यंदा नवरात्रौत्सवात दांडियाही नाही; राज्य सरकाराच्या सूचना

नाझिरकर आणि इतर आरोपींचे ओम साई डेव्हलपर्स या फर्ममधील बॅंक खात्यांची माहिती तपासून घ्यायची आहे. गुन्ह्यात वापरलेली बनावट कागदपत्रे जमा करायचे आहेत. तसेच ते कोणत्या ठिकाणाहून बनवून घेतली याचा तपास करायचा असल्याने आरोपीला कोठडी देण्याची मागणी सरकारी वकील राजश्री कदम यांनी केली होती. त्यानुसार न्यायालयाने संगीता नाझिरकर यांची तीन ऑक्‍टोबरपर्यंत पोलिस कोठडीत रवानगी केली आहे.

Edited By - Prashant Patil