सबस्क्राईब करा
पुणे : प्रभागातील कामांबाबत तक्रार केल्यामुळे एका व्यक्तीस जातिवाचक शिवीगाळ करून जीवे मारण्याची धमकी दिल्याप्रकरणी माजी नगरसेवकाविरुद्ध अनुसूचित जाती जमाती अत्याचार प्रतिबंध कायद्यानुसार (ॲट्रॉसिटी) गुन्हा दाखल करण्यात आला आहे.
याबाबत एका व्यक्तीने (वय ४०) हडपसर पोलिस ठाण्यात तक्रार दिली आहे. त्यानुसार माजी नगरसेवक गणेश बाळासाहेब ढोरे (वय ३५, रा. फुरसुंगी रस्ता, भेकराईनगर) यांच्याविरुद्ध ॲट्रॉसिटी कायद्यानुसार गुन्हा दाखल केला आहे.
तसेच, सागर पोट्रे (वय २६, रा. पापडे वस्ती, फुरसुंगी) आणि प्रणव रवींद्रकुमार ढमाले (वय २६, रा. भेकराईनगर, फुरसुंगी) यांच्याविरुध्द मारहाण आणि जीवे मारण्याची धमकी दिल्याप्रकरणी गुन्हा दाखल करण्यात आला आहे.
पोलिसांनी दिलेल्या माहितीनुसार, फुरसुंगी भागातील माजी नगरसेवक ढोरे यांच्या प्रभागातील कामकाजाबाबत एकाने तक्रार केली होती. त्यामुळे ढोरे यांनी तक्रारदाराच्या घरी जाऊन जातिवाचक शिवीगाळ करून कुटुंबीयांना जीवे मारण्याची धमकी दिली.
याबाबत तक्रारदाराने पोलिस आयुक्तांकडे तक्रार केली होती. त्याचा राग मनात धरून आरोपी ढोरे यांनी पोट्रे आणि ढमाले यांना सांगून तक्रारदारास मारहाण केली. पुढील तपास हडपसर विभागाच्या सहायक पोलिस आयुक्त अश्विनी राख करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
