अवैध वाळू वाहतूक करणाऱ्या वाहनांवर कारवाईसाठी गेलेले कोलवडी येथील तलाठी राजेश दिवटे यांच्यावर दहा ते बारा वाळूमाफियांनी हल्ला करीत लाथा- बुक्यांनी बेदम मारहाण केली.
मांजरी - अवैध वाळू वाहतूक करणाऱ्या वाहनांवर कारवाईसाठी (Crime) गेलेले कोलवडी येथील तलाठी राजेश दिवटे यांच्यावर दहा ते बारा वाळूमाफियांनी हल्ला (Attack) करीत लाथा- बुक्यांनी बेदम मारहाण (Beating) केली. शेवाळवाडी येथे शुक्रवारी (ता. २४) ही घटना घडली आहे. या घटनेने मोठी खळबळ उडाली आहे.
पुणे-सोलापूर महामार्गावरील शेवाळवाडी हद्दीत चार-पाच अवैध वाळू वाहतूक करणारे ट्रक उभे आसल्याची माहिती हवेलीच्या तहसीलदार तृप्ती कोलते यांना मिळाली होती. त्यांनी वाळू माफियांवर कारवाई करण्याचे आदेश महसूल पथकाला दिले होते. त्यानुसार कोलवडी येथील तलाठी राजेश दिवटे यांनी शुक्रवारी सकाळी दहा वाजण्याच्या सुमारास शेवळवाडी परिसरातून अवैद्य वाळूची वाहतूक करणारे ट्रक पकडले होते. ट्रक जप्त करण्यासाठी पंचायत समिती कार्यालयाकडे घेऊन जात असताना, अवैध वाळू व्यावसायिकांच्या दहा-बारा जणांच्या टोळक्याने रस्त्यातच ट्रक अडवून तलाठी दिवटेंना लाथाबुक्क्यांनी मारहाण केली. जप्त केलेल्या दोन ट्रकपैकी एक ट्रक घेऊन घटनास्थळावरून पसार झाले.
या घटनेची माहिती मिळताच तहसीलदार तृप्ती कोलते, हडपसर पोलीस ठाण्याचे पोलीस उपनिरीक्षक प्रतापसिंह शेळके घटनास्थळी दाखल झाले आहेत. पुढील कारवाई करण्याचे काम सुरु आहे. दरम्यान घटनास्थळी मांजरी बुद्रुकचे तलाठी योगीराज कनीचे, लोणी काळभोरचे तलाठी दादासाहेब झंजे, थेऊरच्या तलाठी सविता काळे, कोतवाल अविनाश वाघमारे उपस्थित आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
