औरंगाबाद महापालिकेत सत्ता आली तर संभाजीनगरचा ठराव देऊ : चंद्रकांत पाटील

पुणे : "औरंगाबादचे नामांतर संभाजीनगर करणे हा आमच्या अस्मितेचा प्रश्न आहे. त्यामुळे शिवसेनेने कॉंग्रेसचे मतपरिवर्तन करून पुन्हा नव्याने ठराव पाठवावा.' असा सल्ला भाजपचे प्रदेशाध्यक्ष चंद्रकांत पाटील यांनी जुन्या मित्र असलेल्या शिवसेनेला सोमवारी दिला. " औरंगाबाद महापालिकेत आमची सत्ता आली, तर नामांतराचा पहिला ठराव करून पाठवू,' असेही पाटील म्हणाले. 

कोथरूड विधानसभा मतदार संघातील विकास कामांचा आढावा बैठकीनंतर पाटील पत्रकारांशी बोलत होते. ते म्हणाले, "औरंगाबादचे संभाजीनगर नामकरण करण्यास शिवसेनेने भूमिका घ्यावी. याविषयात राजकारण करू नये. औरंगाबाद, अहमदनगर, उस्मानाबादची नावे बदलली जाणे हा श्रद्धेचा आणि अस्मितेचा विषय आहे. औरंगजेब हा कोणाचा पूर्वज आहे का? विलासराव देशमुख मुख्यमंत्री असताना नावे बदलण्याचा प्रस्ताव मागे घेतल्याचे प्रतिज्ञापत्र न्यायालयात द्यावे लागले होते. आता पुन्हा नव्याने प्रक्रिया करावी लागेल. महापालिकेत ठराव करून राज्य शासनाला पाठवावा लागेल. नामकरण करावे याबाबत भाजपाची भूमिका स्पष्ट असल्याचेही ते म्हणाले. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

परप्रांतीयांबाबतची भूमिका स्पष्ट करावी : चंद्रकांत पाटील 
आगामी महापालिका निवडणुकीत मनसेसोबत युती संदर्भात दोन्ही पक्षांच्या पातळीवर कोणतीही चर्चा नाही. परंतु युती करण्यापुर्वी परराज्यातून आलेल्या परप्रांतीयांबद्दलची भुमिका मनसे स्पष्ट करत नाहीत तोपर्यंत युतीबाबत चर्चा होणार नाही, असेही एका प्रश्‍नाला उत्तर देताना पाटील म्हणाले.

- इंदापूरजवळ ट्रक-कारचा भीषण अपघात; पुण्यातील दांपत्याचा जागीच मृत्यू​