पुणे : ‘आंतरभारती अनुवाद सुविधा केंद्रा’तर्फे उत्कृष्ट भाषांतरकाराला (अनुवादकाला) दरवर्षी देण्यात येणारा ‘बाळशास्त्री जांभेकर पुरस्कार’ २०१९ सालासाठी डॉ. मेघा पानसरे यांना तर २०२० सालासाठी मिलिंद चंपानेरकर यांना नुकताच जाहीर झाला. ज्ञानपीठ पुरस्कार प्राप्त ज्येष्ठ साहित्यिक गो. वि. उर्फ विंदा करंदीकर यांनी दिलेल्या देणगीतून हा पुरस्कार दिला जात असल्याने त्यांच्या जन्मदिनीच यंदाचे विजेते जाहीर करण्यात आले. (Pune News)
कोरोनाने उद्भवलेल्या परिस्थितीमुळे गेली दोन वर्षे हा पुरस्कार जाहीर झाला नव्हता. त्यामुळे यंदा २०१९ व २०२० या दोन्ही वर्षांचे पुरस्कार घोषित झाले. यातील २०१९ च्या मानकरी ठरलेल्या डॉ. मेघा पानसरे यांना 'सोविएत रशियन कथा' या पुस्तकासाठी हा पुरस्कार जाहीर झाला आहे. मागील सुमारे शंभर वर्षांतील रशियन कथांचा अनुवाद असलेले हे पुस्तक लोकवाङ्मय गृहाने प्रकाशित केले आहे. पानसरे यांनी यापूर्वी वेरा पानोवा लिखित 'सिर्योझा', मक्सिम गोर्की लिखित 'तळघर' ही पुस्तके तसेच आत्मजीत सिंह यांचे 'सारंगी' हे नाटक अनुवादित केले आहे.
२०२० सालाचे मानकरी असलेल्या मिलिंद चंपानेरकर यांना 'भारतातील डाव्या चळवळींचा मागोवा' या प्रफुल्ल बिडवई लिखित पुस्तकाच्या अनुवादासाठी हा पुरस्कार जाहीर झाला आहे. रोहन प्रकाशनाने हे पुस्तक प्रकाशित केले आहे. चंपानेरकर यांनी यापूर्वी 'लोकशाहीवादी अम्मीस दीर्घ पत्र', 'गुड मुस्लीम, बॅड मुस्लीम', 'ग्रेप्स ऑफ रॉथ' या गाजलेल्या पुस्तकांसह इतरही अनेक पुस्तके अनुवादित केली आहेत. पुरस्काराच्या मानकऱ्यांची निवड प्रफुल्ल शिलेदार, प्रा. सुनंदा महाजन, प्रा. रणधीर शिंदे व डॉ. नितीन रिंढे यांच्या समितीने केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
